Уоту умуруорааччылар ааспыт суукка иһигэр 9 ойуур баһаарын (114 гектар) умуруорулунна уонна 28 ландшафтнай баһаары (315 гектар) тохтоттулар. Космическай уонна авиационнай кэтээн көрүү түмүгүнэн, 97 гектар сиргэ 10 саҥа ойуур баһаара уонна 186 гектар сиргэ 14 ландшафтнай баһаар булулунна.
Суукка саҕаланыытыгар 8 ойуур баһаара 6 493 гектар иэннээх сиргэ турбут: 5 – Дьааҥыга, 3 — Эбээн- Бытантайга. Ону тэҥэ 41 ландшафтнай баһаар 820 га иэнээх сиргэ эрэгэстэрээсийэлэммит: Дьааҥыга 18, Өлүөхүмэҕэ уонна Дьокуускайга 4, Намҥа, Муомаҕа 3, Бүлүүгэ , Хаҥаласка, Эбээн Бытантайга 2, Горнайга, Кэбээйигэ, Мэҥэ Хаҥаласка 1. Баһаардары утары 99 киһи уонна 5 тиэхиньикэ үлэлиир.
Саха Өрөспүүбүлүкэтин кылаабынай лесничэйэ Андрей Коноплев иһитиннэрбитинэн, баһаар сезона саҕаланыаҕыттан 12 тыһ. тахса гектар иэннээх сиргэ 40 ойуур баһаара туонна 1,5 тыһ. гектар иэннээх сиргэ 104 ландшафтнай баһаар тахсыбыт. Бу баһаардар төрүөттэринэн киһи дьалаҕай сыһыана диэн бэлиэтииллэр.
Баһаар төрүөтэ — киһи. Ойуурга сэрэхтээх буолуҥ. Бу күннэртэн саҕалаан бырааһынньыктааҕы өрөбүллэр күүтэллэр. Үгүстэр айылҕаҕа сынньаныахтара. Бука диэн кутаа уотун умуллара, бөҕү-сыыһы хомуйа сылдьыҥ. Баһаар тахсар түбэлтэтигэр уолуйбакка, суһаллык ойуур харыстабылын эргиччи үлэлиир лииньийэтигэр эрийиҥ: 88001009400. Эбэтэр Дьокуускай куорат РДС төлөпүөнүгэр: 447726, ону тэҥэ 112 нүөмэргэ, — диэтэ Андрей Коноплев.
Саҥа саҕаланан эрэ баһаар сезонугар 95 айылҕа баһаарын умуруорбуттар. Дьааҥыга ураты баһаарынай эрэсиим биллэриллибитэ, ыам ыйын 6 күнүттэн муниципальнай таһымнаах ыксаллах быһыы-майгы эрэһиимэ олохтоммута.
Хаартыска Саха гов
-
0
-
0
-
0
-
0
-
0
-
0
