.Саха Өрөспүүбүлүкэтин экологияҕа министиэристибэтэ Дьааҥы улууһугар ойуур баһаардарыттан уустук балаһыанньа буолбутунан сибээстээн, булт сезонун тохтотор туһунан быһаарыныыны ылынна. Докумуон билигин сөбүлэһиигэ сылдьар.
«Ааспыт өрөбүллэргэ, хомойуох иһин, Дьааҥы улууһугар буола турар балаһыанньа уларыйбата. Булт саҕаланнаҕына саҥа уот күөдьүйүүтэ өссө элбиэн сөп. Бу быһаарыныыны Эбээн Бытантай улууһугар эмиэ ылыныах курдуктар», — диэн бастакы вице-премьер Дмитрий Садовников иһитиннэрэр.
Билиҥҥи туругунан, Дьааҥыга 7 ойуур баһаара уонна 15 ландшафтнай баһаар баара биллэр. Бу төрүөттэринэн өрт уотун ыытыы буолар. Бу улууска 200-чэ киһи баһаары умуруорууга үлэлиир.
Хаартыска Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
-
0
-
0
-
0
-
0
-
0
-
0
