Уопсайынан, эпидемия кэмигэр медицинскэй уонна фармацевтика үлэлэригэр аккредитацията уонна сертификаттара суох специалистары бирикээһинэн ыҥыраллара көҥүллэнэр буолла. Таарыйа этэр буоллахха, бу кэмҥэ докумуоннар дьайыылара тохтуур болдьоҕо чугаһаабыт буоллаҕына уһатыллан биэриэхтэрэ.
Дьону балыыһаҕа тардан үлэлэтэргэ, уопсайынан, специалист сертификата суох буоларын таһынан медицинскэй үөрэхтээҕэ булгуччу ирдэнэр, эбэтэр медүөрэхтээһин улахан куурустарыгар, ону таһынан «клиническэй медицина» үрдүкү куурустарыгар үөрэнии буолар. Манна эбии устудьуоннар чопчу сыалламмыт идэ бырагырааматынан куурус ааһаллара булгуччулаах (36 чаастан итэҕэһэ суох).
Дойду Бырабыыталыстыбата регионнарынан COVID-19 ыарыыны утары үлэлиир уларыйыахтаах медицинскэй тэрилтэлэр испииһэгин бигэргэттэ. Быраас дипломун ылбыт эрэ специалистар үөрэппит идэтин таһынан сертификата суох үлэлиэхтэрин сөп диэн ыйыллар.
Ординатура устудьуоннарын стажер-быраас дуоһунаһыгар үлэлэтиэхтэрэ, маны таһынан специалист-быраас хонтуруолугар ылыахтара. Медучилище бүтэһик куурустарын устудьуоннара орто "медперсонал" дуоһунаһын ылыахтара уонна старшай сиэстэрэ хонтуруолугар ылыллан үлэлиир эбээһинэстэниэхтэрэ. Маннык усулуобуйа, устудьуоннары таһынан, биэс сылтан ордук идэлэринэн үлэлээбэтэх урукку быраастарга, фельдшердэргэ тарҕанар.
Балыыһа нуорманан эрэсиимин үлэтин таһынан, бу специалистар бары COVID-19 ыарыыны утары үлэлэргэ көмөнү оҥорууга тардыллыахтарын сөп. Ыарыһахтары быһаччы эмтээһин туһунан этии барбат - бу сыалга сертификаттаах эмчиттэр эрэ үлэлиэхтэрин сөп. Маны таһынан РФ Доруобуйа харыстабылын министиэристибэтэ искусственнайдык вентиляцияны хааччыйарга, анестезиолог- реаниматолог буоларга бэлэмнэнэр ординатуралар устудьуоннарын уопуттаах быраас хонтуруолунан үлэҕэ тардаллара көҥүллэнэр. Оттон орто медперсонал үлэлэригэр медвузтар бары устудьуоннарын үһүс куурустан үлэлэтэллэрэ көҥүллэммитэ.
-
0
-
0
-
0
-
0
-
0
-
0
