35 саастарын туола илик кэргэнниилэргэ туһуламмыт 2 %-наах ипотеканы туһаныыга биһиги өрөспүүбүлүкэбит Уһук Илиҥҥэ иккис миэстэҕэ сылдьар. Сыл устата 14 000-тан тахса сайаапка киирбититтэн, 57 %-нын бигэргэппиттэр. Ол аата 3200 эдэр ыал бу чэпчэтиилээх бырагырааманан таас дьиэҕэ кыбартыыраламмыт. Онно барыта холбоон 12 млрд солк. кирэдьиит төлөммүт. Ону таһынан 370 ыал кэтэх дьиэ туттубут.
Манна даҕатан эттэххэ, бу пилотнай бырайыак ирдэбилэ “сымнаан” биэрбит: аны кэтэх дьиэ туттар учаастаккар гаас ситимэ баара булгуччулаах буолбатах. Сорох бааннар бырыһыаннарын 0,7 диэри түһэрдилэр. Кыбартыыраны “вторичкаҕа” ылар буоллахха, 1990 сылтан эргэ тутуу буолуо суохтаах. "Уһук Илин гектар" бырагырааманан ылбыт буоллаххына, дьиэ туттаргар аны бастакы төлөбүрүҥ (первоначальный взнос) 15 бырыһыан буолла.
-
0
-
0
-
0
-
0
-
0
-
0
