Кариналаах Эрсаан чоппууска иитиитигэр олус эппиэтинэстээхтик сыһыаннаһан, күн ахсын кыылларын кэтээн көрөн, бэлиэтээһиннэри оҥороллор.
"Нам киинигэр олоробут, ол иһин сүөһү, сылгы, сибиинньэ тутар кыахпыт суоҕуттан, түргэнник улаатар салааны интэриэһиргээн таллыбыт - диэн ыал ийэтэ Изабелла Яковлевна кэпсиир, - кырдьык, олус түргэнник улааталлар эбит, 45-60 хонукка дылы биир чоппууска 3-3,5 киилэ буолар. Биһиги 30 устуука чоппууска ылбыппыт, былаан быһыытынан 90 киилэ оҥоруохтаахпыт. Инникитин уопуппутун нэһилиэк олохтоохторугар тарҕатар былааннаахпыт, олус табыгастаах эбит, кыаллар буоллаҕына мини-ферма оностуохпутун баҕарабыт. Маныаха чоппуускалары сылы эргиччи тутарга үп наада. Бэйэ бородууксуйатын - чоппууска этин атыыга да таһаарыахха сөп эбит" - диэн Алексеевтар санааларын үллэстэллэр.
-
0
-
0
-
0
-
0
-
0
-
0
