Тэрээһиҥҥэ Ил Түмэн Наукаҕа уонна үөрэххэ сис кэмитиэтин бэрэссэдээтэлэ Антонина Григорьева, Тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ Александр Атласов, норуот дьокутаата Тихон Скрябин кыттыыны ыллылар.
Антонина Григорьева А.В. Чугунов аатынан өйдөбүнньүк бэлиэнэн Николаевтар бырааттыы ааттарынан 2-с Дьөккөн орто оскуолатын дириэктэрэ Дарья Скрябинаны наҕараадалаата.
Мунньах кэмигэр Хаҥалас улууһун нэһилиэктэрин оскуолаларын дириэктэрдэрэ 2021-2023 сс. агропрофилированнай үөрэхтээһин тэрилтэлэрин үлэлэрин кэпсээтилэр. 2024-2030 сс. Хаҥалас улууһун агропрофилированнай тэрилтэлэрин сайыннарыы тутаах соруктарын туһунан «Хаҥалас улууһа» МО баһылыга Олег Иринеев иһитиннэрдэ. Аартыкатааҕы ГАТУ Өктөм филиалын дириэктэрэ Сахаяна Павлова «М.Е. Николаев аатынан агросуол» диэн интэриэһинэй бырайыагы билиһиннэрдэ. Кини агропрофилированнай үөрэхтээһин кэскиллээх хайысхаларын туһунан кэпсээтэ.
Маны сэргэ сүбэ мунньахха «Хаҥалас оройуонун үөрэх управлениета» МТ начаалынньыга Павел Аргунов, уопсастыбанньык, «Дэриэбинэ дьылҕата – норуот дьылҕата» бырайыак ааптара Гавриил Адамов, Үөрэхтээһин инновационнай сайдыытын киинин дириэктэрэ Дмитрий Титов кытыннылар.
Киирбит этиилэри дьүүллэһии түмүгүнэн өрөсөлүүссүйэ ылылынна.
-
0
-
0
-
0
-
0
-
0
-
0
