Издательский дом Редакция Подписка
Погода в Якутске: . 10 oC

Историяҕа киирэр ахсынньы 23 күнүгэр дойду Федерациятын Сэбиэтигэр ыытыллыбыт пленарнай мунньахха «Саха Өрөспүүбүлүкэтин социальнай-экэнэмиичэскэй сайдыытын судаарыстыбаннай өйөбүлүн туһунан» уураах ылылынна.

Историяҕа киирэр ахсынньы 23 күнүгэр дойду Федерациятын Сэбиэтигэр ыытыллыбыт пленарнай мунньахха «Саха Өрөспүүбүлүкэтин социальнай-экэнэмиичэскэй сайдыытын судаарыстыбаннай өйөбүлүн туһунан» уураах ылылынна.

Санаттахха, ахсынньы 12-14 күннэригэр Саха Өрөспүүбүлүкэтин күннэринэн чэрчитинэн, Федерация Сэбиэтигэр ылыныллыахтаах уураах бырайыагын үгүс боппуруостара дьүүллэһиллибиттэрэ. Тэрээһиннэргэ СӨ Ил Дархана Айсен Николаев салайааччылаах Ил Түмэн бэрэссэдээтэлэ Алексей Еремеев уонна  норуот дьокутааттара кыттыбыттара.

Өлүөнэ өрүһү туоруур күргэ

Дойду Бырабыыталыстыбатыгар бастакы пуунунан Өлүөнэ өрүһү туоруур күргэни тутуу бүддьүөтүн уопсай кээмэйиттэн 50%- тан итэҕэһэ суох үбүн-харчытын федеральнай бүддьүөт суотугар көрүү мэктиэлэннэ. Ону тэҥэ ыйыллыбыт дьаһаллары олоххо киллэрии соругунан 2024-2025 сылларга Саха Сирин инфраструктуран сайыннарыыга кирэдьиит кэмээйин улатыннарыы боппуруоһа быһаарылынна. Инфраструктура бырайыактарын олоххо киллэриитигэр туһуламмыт бүддьүөт үбүн-харчытын улаатыннарыы туһунан быһаарыы ылыллар түбэлтэтигэр, Саха Сиригэр эһиил эбии кирэдьиит кээмээйин элбэтии туһунан суолталаах боппуруос көрүлүннэ.

Мэдиссиинэ

Федерация Сэбиэтин уурааҕар итини сэргэ Дьокуускай куоракка 245 куойка миэстэлээх өрөспүүбүлүкэтээҕи клиническэй инфекционнай балыыһа тутуутун  федеральнай аадырыстаах инвестиционнай бырагыраамаҕа киллэрэр туһунан этии киирдэ. Ону сэргэ 2024 сылга диэри магистральнай инфраструктураны сайыннарыы уонна кэҥэтии биир кэлим былаана бигэргэннэ. Ол курдук, Ленскэй уонна Уус-Куйга аэропортарын комплексын эбийиэктэрин тутуу чэрчитинэн, көтөр-түһэр балаһаны бырайыактааһын уонна реконструкциялааһын, служебнай-пассажирскай дьиэлэри тутуу; Зырянкаҕа көтөр-түһэр балаһаны, пассажирскай дьиэ уонна инфраструктура эбийиэктэрин олоххо киллэрии; Маҕан, Полярнай аэропортарын комплекстарын тутуу иккис түһүмэҕэ; нэһилиэнньэҕэ табыгастаах буолууну хааччыйыыга уонна Саха Сиригэр олохтоох салгын тырааныспарын ситимин 35 хайысхаҕа диэри кэҥэтии былааннанна.

Маны таһынан, Федерация Сэбиэтэ Дьокуускай куорат 68 кыбартаалыгар ХИФУ мэдиссиинэ институтун учебнай-лабораторнай куорпуһун тутуутун федеральнай аадырыстаах инвестиционнай бырагыраамаҕа киллэрэргэ; Муусука Үрдүкү оскуолатын 150 уонна 240 миэстэлээх үөрэнэр куорпус тутуулара сорудахтанна.

Көтөр аалынан хааччыйыы

Сенатордар РФ субъектарын территорияларыгар, чуолаан, Уһук Илин уокурукка уонна Аартыка оройуоннарыгар эрэгийиэн иһинэн көтөр салгын аалын тырааныспардарын саҥардыыга (ол иһигэр бөртөлүөттэр) федеральнай бүддьүөттэн көрүллэр субсидия кээмэйин 1,5 коэффициенынан суоттууру олохтооһун туһунан боппуруос көрүлүннэ.

Энергетика

Энергетика эбийиэктэрин тутууга, доруобуйа харыстабылын боппуруостарын үбүлээһиҥҥэ, Дьокуускай куоракка элбэх спортивнай саалалары тутууга, салгын тырааныспардарынан хааччыйыыга чэпчэтиилээх аэронавигационнай уонна аэропортар хомуурдарын,  бөртөлүөт атыылаһыытыгар ороскуоттарын толуйуу туһунан дойду  министиэристибэлэригэр кэккэ этиилэр бааллар.

Үөрэхтээһин уонна спорт

РФ Наукаҕа уонна үрдүк үөрэхтээһиҥҥэ министиэристибэтигэр ХИФУ эбийиэктэрин хапытаалынай өрөмүөннээһиҥҥэ (устудьуоннар уопсайдарын 7 куорпуһа, чэпчэки атлетика  манеһа, «Юность» стадион, сабыылаах футбол дьарыгын дьиэлэрэ, 3 остолобуой дьиэлэрэ) федеральнай бүддьүөккэ үбү-харчыны  көрөргө сүбэлэннэ.

Аартыка

2024-2025 сс. Аартыка зонатыгар киирэр СӨ оройуоннарыгар интэриниэт сибээһин олохтооһун дьаһалларын хос үбүлээһинин туһунан, Федерация Сэбиэтин Эрэгийиэннээҕи тутулга, олохтоох бэйэни салайыныыга уонна Хоту сир дьыалаларга кэмитиэтигэр үбүлээһин мэхэньиисимнэрин, хантан үп-харчы ылылларын сотору кэминэн иһитиннэрэргэ РФ Сыыпараҕа сайдыыга министиэристибэтигэр сорудахтанна.

Тутуу

РФ Үөрэҕирии уонна ОДьКХ министиэристибэлэригэр маннык эбийиэктэри федеральнай аадырыстаах инвестиционнай бырагыраамаҕа киллэрэр туһунан боппуруоһу көрөргө сүбэлииллэр: Дьокуускай куоракка 253 миэстэлээх 1 №-дээх оскуола; Нам сэлиэнньэтигэр 450 миэстэлээх оскуола; Дьокуускай куорат Билибина уулуссаҕа 84 кыбартаалыгар 990 миэстэлээх оскуола; Чайковскай уулуссаҕа 360 миэстэлээх оскуола; Новопортовскай кыбартаалга 990 миэстэлээх оскуола; Бүлүү куоракка 990 миэстэлээх оскуола.

Айылҕа харыстабыла

РФ Айылҕа харыстабылын министиэристибэтигэр уу эбийиэктэрин чэбдигирдиигэ туһуламмыт федеральнай бырайыагы оҥоруу түбэлтэтигэр, Өлүөнэ өрүс бассейнын дьаһалга киллэрэргэ этилиннэ.

Тыа хаһаайыстыбата

РФ Тыатын хаһаайыстыбатын министиэристибэтигэр 2023-2024 сыллааҕы бүддьүөт аныгыскы үбүлээһинигэр тыа сирин биир кэлим сайыннарыы бырагырааманы олоххо киллэриигэ кыттыгас үбүлээһини Бөтөҥкөс (Үөһээ Дьааҥы улууһа), Кэмпэндээйи, Сунтаар, Элгээйи, Устье (Сунтаар улууһа), Уолба (Таатта улууһа) нэһилиэктэригэр киллэрэр боппуруоһу көрөргө сүбэлэннэ.

Ойуур хаһаайыстыбата

Ойуур хаһаайыстыбатын федеральнай агенствота Саха Сиригэр ойууру солооһуҥҥа 2023-2024 сс. лесоустроительнай үлэ былаанын бырайыагар ойуур таксациятын киллэрии туһунан СӨ Бырабыыталыстабата туһааннаах матырыйааллары оҥорору ситиһэр усулуобуйатыгар көрөргө этилиннэ.

Федерация Сэбиэтин уурааҕар Саха Сирин Бырабыыталыстыбатын уонна сенатордар аадырыстарыгар Федерация Сэбиэтин бу уурааҕын олоххо киллэриигэ үлэлэһэргэ этилиннэ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Киин көмөлөһөр

«Берегиня» дьиэ кэргэҥҥэ оҕону иитиигэ көмөлөһөр киин Дьиэ кэргэҥҥэ элбэх өҥөнү оҥорор…
23.05.24 15:28