Издательский дом Редакция Подписка
Погода в Якутске: . 28 oC

Өрөспүүбүлүкэбит 100 сыллаах үбүлүөйүн чэрчитинэн тэрээһиннэр былааннаахтык ыытыллаллар. Маныаха инники күөҥҥэ сылдьар тэрилтэнэн: норуоппут кэскилигэр быһаччы дьайар кыахтааҕынан уонна Сахабыт сирин дьоно эрэнэ, астына ылынарынан, Саха театра буолар.

Өрөспүүбүлүкэбит 100 сыллаах үбүлүөйүн чэрчитинэн тэрээһиннэр былааннаахтык ыытыллаллар. Маныаха инники күөҥҥэ сылдьар тэрилтэнэн: норуоппут кэскилигэр быһаччы дьайар кыахтааҕынан уонна Сахабыт сирин дьоно эрэнэ, астына ылынарынан, Саха театра буолар.

Бүгүн, кулун тутар 9 күнүгэр, Саха театрыгар кулун тутар ыйга тахсар премьералары билиһиннэрэр пресс-конференция ыытылынна. Кэлбит суруналыыстарга Саха театрын дириэктэрэ Петр Макаров Саха Өрөспүүбүлүкэтин 100 сыллаах үбүлүөйүн көрсө былааннаммыт үлэни-хамнаһы билиһиннэрдэ. Итиэннэ мантан саас театр уус-уран салайааччыта Андрей Борисов, сүрүн режиссера Руслан Тараховскай саҥа испэктээкиллэри таһаарар соруктаахтарын туһунан иһитиннэрдэ.

3a1071b4-3121-4b3e-9515-3e7b9514e85b.jpg

Салгыы режиссердар Сергей Потапов, Карл Сергучев уонна талааннаах артыыс, саҕалаан эрэр туруорааччы-режиссер Василий Борисов кулун тутар ыйга тахсаары турар айымньыларын туһунан сэһэргээтилэр. Ол курдук, кулун тутар 11-13 күннэригэр Э.Эристиин «Маарыкчаан ыччаттара», 18-20 күннэригэр Г.Дьячков «Саһарҕа хоптото», онтон 25-27 күннэригэр И.Вилквист «Бүтэһик малыыппа» испэктээкиллэр көрөөччү дьүүлүгэр тахсыахтара.

edf51fab-6212-4c09-aa48-05b604998c9a.jpg

Көрсүһүүгэ иһитиннэрэр-көрдөрөр ситимнэр дьону театр эйгэтигэр угуйар, ыҥырар ньыма эрэ быһыытынан буолбакка, көрөөччүнү иитэр, ыччаты искусство ис хоһоонугар быһаччы сирдиир далаһа быһыытынан сыаналаныахтаахтара ахтылынна. Онуоха сонуну кэпсиир, сэһэргиир таһымтан тэйэн, айымньыны ырытар, сонун санаалары тиэрдэр, проблемалары көтөҕөр кыахха киирии сүрүн тосхол быһыытынан этилиннэ.

c576569e-a2fe-443e-99c8-ffe9f97ac268.jpg

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Сылгы тумнастар бырдаҕа

Орто Халыма улууһугар иккис сылын хараан бырдах түһэн, сүөһүгэ, сылгыга олус ыарахан…
23.07.24 14:51