2020 сылга «Культура» национальнай бырайыак чэрчитинэн республика таһымнаах модельнай библиотеканы тэрийиигэ куонкурус биллэриллибитэ. Бүтүн республикаттан барыта 20 библиотека кыттыбыта. Куонкурус түмүгүнэн СР культураҕа уонна духуобунаска министиэристибэ олунньу 27 күнүнээҕи 99 №-дээх бирикээһинэн 5 библиотека модельнай библиотека аатын ылбыта. Олор истэригэр Уус-Алданнааҕы кииннэммит тиһик Суоттутааҕы 15№-дээх филиала (сэб. Черкашина Р.Н.) киирбитэ. Модельнай библиотеканы тэрийиигэ СР бюджетыттан аҕыс сүүс тыһыынча көрүллүбүтэ.
Бүгүҥҥү күҥҥэ бу үп-харчы улуус бюджетыгар киирэн Суоттутааҕы модельнай библиотека материальнай базата хаҥыырыгар туһуланна: саҥа мебель, кинигэ уонна компьютернай техника туһуланна. Онон улууска 13 модельнай библиотека быйыл Суотту олохтоохторугар ис бараана тупсан, сайдыы аныгы тэтимигэр эппиэттиир техникалаах, саҥа кинигэлэрдээх ааҕааччыларын үөрэ-көтө көрсүөҕэ диэн эрэнэбит.
Ф. Федорова
-
0
-
0
-
0
-
0
-
0
-
0
