Убаастабыллаах салайааччыбыт, олоҕуҥ кэрэ-бэлиэ кэминэн, 65 сааскын туолбут өрөгөйдөөх үбүлүөйгүнэн, эйигин киэн туттан туран, ис сүрэхтэн тахсар истиҥ тылларынан эҕэрдэлиибит! Эн үлэҕэ сыһыаныҥ, олоххо баай көрүүҥ, үөрүйэҕиҥ, санааҥ күүһэ мэлдьи холобур буолар.
Айар талааныҥ сылтан сыл аайы саха алмааһын курдук чочуллан, үгүс кырыыланан, араас өҥүнэн чаҕылыйа оонньуур, эн айымньылаах үлэҥ дьону-сэргэни үтүөҕэ-кэрэҕэ кынаттыыр, сырдыкка-ыраахха угуйар.
Айар доҕотторгор, бар дьоҥҥор кыһамньыгын, көнө-үтүө майгыгын үрдүктүк сыаналыыбыт. Кырдьары кый ыраах кыйдаан, биһиэхэ күүс-көмө буолан, үөрэ-көтө өссө да уһуннук ай-тут. Баҕарабыт эйиэхэ чэгиэн-чэбдик доруобуйаны, дьиэ кэргэҥҥэр дьол-соргу тосхойдун, өрүү үөрүү-көтүү, үтүө санаа үмүөрүстүн, кэрэ санаа кэккэлэстин, ыра санаа ыпсан истин! Баҕа санааҥ барыта барҕара туолуохтун, алгыспыт үтүөтэ, санаабыт сырдыга эйиэхэ тиийиэхтин!
Саха киһитин олоххо күүстээх тапталын, олох араас тургутууларын ааһан, ыарахаттартан чаҕыйбакка, иннин диэки эрэ барар дьүккүөрүн, үлэһит сүрэҕин Эн хоһуун холобургар көрөбүт. Эйиэхэ мэлдьи ситиһии эрэ эҥээрдэстин! Алгыс баһа сыаланнын! Уруй-туску, айхал-мичил буолуохтун!
Эҕэрдэни кытта "КЭМ" сурунаал айар бөлөҕө
-
1
-
2
-
0
-
0
-
0
-
0
