Бу фестивальга Суотту нэһилиэгин тэрилтэлэрэ бары кытталлар. Дьон-сэргэ быйылгы Кыайыы күнүн уратытык көрсөргө бэлэмнэнэр. Ол иһин хас биирдии нүөмэр олус чочуллан толоруллан, көрөөччү үгүс нүөмэри биһирии көрдө, ытыс тыаһынан көрүстэ.
Бу фестиваль саҕаланыаҕыттан тэрилтэлэр сомоҕолоһон, урукку кэминээҕи ырыалар- тойуктар, үҥкүүлэр хайдах эрэ саҥалыы тыыннанан бииртэн биир нүөмэр көрөөччү кутун сэгэччи үөртэ, санаатын көтөхтө.
Сарсын Сахабыт Сирэ Аптаныамынай Өрөспүүбүлүкэ аатын ылбыт күнэ. Бу үтүөкэн историческай күммүтүгэр бары бүттүүн нэһилиэгинэн, улууһунан сомоҕолоһон, идэлээх үлэһит дьон-сэргэ олоҕун -дьаһаҕын сиэрдээхтик оҥосторун туһугар турууласпыт үтүөкэн саха уолаттара Максим Аммосов, Василий Күлүмнүүр, Исидор Барахов курдук чулуулар олохтообут Сахабыт Сиригэр норуот сомоҕолоһуута үлэҕэ, түмсүүгэ күүрүүлээхтик бара турарын маннык тэрээһиннэр туоһулууллар.
Бу аҕыйах күнүнэн Улуу Кыайыыбыт 80 сылын көрсүөхпүт. Онно үлэ тэрилтэлэрэ духуобунай-култуурунай эйгэнэн, сааскы үлэ-хамнас күүстээх үлэтинэн көрсүөхтэрэ.
Сааскы айылҕа уһуктан, дьон-сэргэ сырдыкка, үйэлээххэ талаһар. Сахабыт Сирэ чэчирии сайдарын туһугар бука бары таһаарыылаах үлэнэн, киэҥ, дириҥ таһымнаах өйүнэн-санаанан сомоҕолоһон, эйэлээх олох туһугар үлэнэн, сиэрдээх майгынан, бука бары түмсүүнэн туруулаһыаҕыҥ!
Саас кэлэрин кэтэһэ
Санааҥ, ахтыҥ мэлдьи,
Сааһын куруук тылла,
Саҥалыы көрүҥ олоҕу!
Уххан
Бээрийэ кыыһа Хотойук Айгыына
-
9
-
0
-
0
-
0
-
0
-
0
