Култуура

Быйыл 20 хамаанда хамаанда кытынна: Кытай Норуодунай Өрөспүүбүлүкэтиттэн икки хамаанда, Перу Өрөспүүбүлүкэтин уонна Саха сирин кыттыгас хамаандата, Монголия хамаандата, Приморье уонна Новосибирскай сүүмэрдэммит хамаандата, Хабаровскай кыраай хамаандата, Дьокуускай куораттан 4 хамаанда уонна улуустартан 8 хамаанда.

Сэтинньи 24 күнүгэр Орджоникидзе болуоссатыгар муус оҥоһуктарга блиц-турнир буолла. Быйылгы турнир сүрүн тиэмэтэ – аан дойду норуоттарын остуоруйаларын бэрсэнээстэрэ. Маастардар талааннаах илиилэринэн болуоссат иһэ остуоруйа алыптаах эйгэтин сэгэтэр муус оҥоһугунан туола түстэ. Куорат олохтоохторо, ыалдьыттара оҕо саастарыгар төннөр, Саҥа дьыллааҕы өрө көтөҕүллүүлээх настарыанньаны ылар кыахтаннылар.

Блиц-турнир түмүгүнэн Дьокуускай “Хатас” хамаандата 1-кы миэстэни ылла. Максим Охлопков уонна Айсен Габышев “Ый кыыһа” диэн ураты скульптураны оҥордулар. 2-с миэстэни “Тураах тоҕо хараный?” диэн үлэлэринэн Дьокуускай “ХОТ-АЙ” хамаандата (Николай Колодезников уонна Константин Колодезников) ылла. 3-с миэстэҕэ тахсан, Ньурба улууһун “Өҥөлдьө” хамаандата наҕараадаланна. Герасим Максимов уонна Дмитрий Максимов “Царевна Лебедь” остуоруйаттан дьүһүйүүнү оҥорон көрдөрдүлэр.

Кыттааччыларга анал бирииһи туттардылар: “Ледовая фантазия” анал ааты – Перу Өрөспүүбүлүкэтин уонна Саха сирин кыттыгас “Дружба” хамаандата (Хосе Луис Малка Атенсио, Леонид Афанасьев “Пиноккио” үлэлэринэн), “Творческий полёт” анал ааты – “Восточный ветер” Хабаровскай кыраай хамаандата (Наталья Гончарова, Василий Гончаров “Два весёлых гуся” үлэлэринэн), “Оригинальность композиции” анал ааты – “Хапсыр” Саха сирин сүүмэрдэммит хамаандата (Максим Капитонов (Бүлүү), Станислав Сыромятников (Анаабыр) “Красная Шапочка”).

***

         Сэтинньи 25–27 күннэригэр “Северное сияние” муус пааркаҕа муус оҥоһук саамай киэҥ далааһыннаах күрэҕэ буолла. Күрэх тиэмэтэ – “Айылҕа номоҕо”. Ураты муус оҥоһуктар биир-биир кэчигирэһэн, паарканы дьиҥнээх кыһыҥҥы фантазияҕа кубулуттулар. Күн сардаҥатыгар кылабачыйан муус оҥоһуктар олус кэрэтийэн-киэргэйэн көһүннүлэр.

         Күрэх түмүгүнэн 1-кы миэстэни “Омун” Саха сирин сүүмэрдэммит хамаандата ылла (Архип Скрябин (Мэҥэ Хаҥалас), Геннадий Оллонов (Уус Алдан) “Материнский инстинкт” үлэлэринэн).

         2-с миэстэ хаһаайына “Золотые крылья” диэн Саха сирин сүүмэрдэммит хамаандата буолла (Валерий Стручков (Мэҥэ Хаҥалас), Василий Васильев (Үөһээ Бүлүү) “Там, где танцуют стерхи” үлэлэринэн).

         3-с миэстэҕэ “А ля прима” Арассыыйа сүүмэрдэммит хамаандата тигистэ (Денис Шведюк (Новосибирскай к.), Сергей Козлов (Находка к.) “Байанай” үлэлэринэн).

         “Творческий полёт” диэн анал аакка “ИрВик” Хабаровскай кыраай хамаандата кыайан таҕыста (Ирина Заславская, Виктор Пичуев “Дыхание моржей” үлэлэринэн).

         “Мастерство резьбы” анал ааты “Эһээ оҕолоро” Саха сирин сүүмэрдэммит хамаандата ылан үөрдүлэр (Николай Ушницкай (Дьокуускай к.), Айаал Никитин (Уус Алдан) “Сказка о смелой девушке и двенадцатирогом олене” дьүһүйүүлэринэн).

         “Раскрытие темы” анал аат хаһаайына – “Боотур” Хаҥалас улууһун хамаандата (Аркадий Сивцев, Егор Захаров “Река Бирюк” үлэлэринэн).

         “Лучшая технология” анал аакка “Хулунбуир” КНР хамаандата тигистэ (Фэн Чао, Сы Цзиньпэн “Единение тысячи душ” диэн үлэлэринэн).

***

         Сэтинньи 28–29 күннэригэр муус пааркаҕа хаар оҥоһуктар күрэхтэрэ ыытылынна. Тиэмэтэ – “Арктика фауната”.

         Түмүк маннык буолла:

         1 миэстэ – “Лед и пламя” Санкт-Петербург хамаандата (Александр Поляков, Иван Федив “На гребне волны” үлэлэринэн);

         2-с миэстэ – “Монгол” Монголия Өрөспүүбүлүкэтин хамаандата (Тихкат Джанарбек, Ганбат Балджинайам “Любовь на земле” үлэлэринэн);

         3-с миэстэ – “Харбин” КНР хамаандата (Цзян Сяобинь, Ши Лэй “Партнеры” үлэлэринэн).

         “Безграничность” анал ааты Дьокуускайтан “Ситим” хамаандаҕа туттардылар (Людмила Федорова, Александр Неустроев “Кырыымпаһыт Нарвал” үлэлэригэр) туттардылар.

         “Оригинальная тема” анал аат – “Дьол Тааһа” Саха сирин сүүмэрдэммит хамаандата (Анна Саввина, Мария Шардинова “Хранительница лесных тайн” үлэлэринэн).

         “Мастерство резьбы” анал аат – “Таатта” Таатта улууһун хамаандата (Василий Назаров, Афанасий Варфоломеев “Суровая Арктика” үлэлэригэр).

         “Лучшая технология” анал аат – Дьокуускайтан “Ice Dream” хамаанда (Василий Камшилин, Христофор Кириллов “Белый танец” үлэлэринэн).

Дьокуускай дьаһалтатын пресс-сулууспатын хаартыската.