«Киһиэхэ кып кыра, быычыкаайык наада» диэн мээнэҕэ эппэттэр. Ордук ытык, саастаах дьоммутугар болҕомто наада. Бу күннэргэ сааскы бырааһынньыктары көрсө Ил Түмэн ыччат, физическэй култуура уонна спорт дьыалаларыгар сис кэмитиэтин бэрэссэдээтэлэ Михаил Гуляев суруйааччыларга Семен Поповка-Тумакка уонна Василий Егоровка-Тумарчаҕа «Бичик» национальнай кинигэ кыһата таһаарбыт саҥа кинигэлэрин бэлэхтээтэ.
Кыһа төһө да харантыын буоллар, үлэтин-хамнаһын тохтоппот. Ол курдук, кинигэлэри тиэрдиинэн дьарыктанар. Онон ааҕааччылар бу өҥөнөн туһаныаххытын сөптөөх.
Ытык дьоммут соһуччу бэлэҕи тутаннар, үөрэн-көтөн, санаалара көтөҕүллэн, норуот дьокутаатыгар Михаил Дмитриевичка истиҥник махтаннылар.
-
0
-
0
-
0
-
0
-
0
-
0
