Издательский дом Редакция Подписка
Погода в Якутске: . -12 oC

Бүгүн, муус устар 22 күнүгэр, улуу сирдьит, ыраахтааҕылаах Арассыыйаны оробуочай кылаас былааһыгар кубулуппут, олох тутулун түөрэ уларыппыт, уоттаах-төлөннөөх революционер, марксизм үөрэҕин тарҕатааччы, бэлиитик, хомуньуус баартыйаны төрүттээччи Владимир Ильич Ульянов-Ленин (1870-1924) төрөөбүт күнэ.

Бүгүн, муус устар 22 күнүгэр, улуу сирдьит, ыраахтааҕылаах Арассыыйаны оробуочай кылаас былааһыгар кубулуппут, олох тутулун түөрэ уларыппыт, уоттаах-төлөннөөх революционер, марксизм үөрэҕин тарҕатааччы, бэлиитик, хомуньуус баартыйаны төрүттээччи Владимир Ильич Ульянов-Ленин (1870-1924) төрөөбүт күнэ.

Кини олохтообут сэбиэскэй былааһыгар 70-тан тахса сыл олорон баран, 90-с сылларга атын судаарыстыбаннай тутулга көһөн, Лениммитин уруйдаан-айхаллаан бүппүппүт. Сорох куораттар сонно тута пааматынньыгын сууллара охсубуттара,  ааттарын уларыппыттара, ленинградецтар начаас петербуржец диэн буолбуттара.

Арай... Таатта улууһун Уолба орто оскуолата эрэ күн бүгүҥҥэ диэри В.И. Ленин аатын чиэстээхтик сүгэ сылдьар!!!

8 8

Оскуола 90 сыллаах үбүлүөйүгэр КПРФ лиидэрэ Геннадий Зюганов эҕэрдэ сурук ыыппыт. Онно кини Арассыыйаҕа билигин икки эрэ оскуола Ленин аатын сүгэрин бэлиэтээбит. Онтон биирдэстэ – Уолбаҕа.

Уолба оскуолата 1840 сыллаахха церковнай-приходской оскуола быһыытынан арылла сылдьан баран сабыллыбыт. Онтон дьиҥнээхтик 1907 сылтан үөрэтэр тэрилтэ быһыытынан үлэлиир.

2 44

1924 сыл тохсунньу томороон күнүгэр “Аан дойду пролетариаттарын сирдьитэ өллө. Кини кэриэһигэр кутурҕаннаах миитиннэри ыытыҥ” диэн 471-с нүөмэрдээх телеграмма Саха АССР Наркомпроһуттан Уолбаҕа кэлбит.

Ол күн үөрэх тохтотуллан, траур буолбут. Онтон олунньу 2 күнүгэр Дьөҥкүүдэй (Уолба нэһилиэгин урукку аата) 1 степеннээх сэбиэскэй оскуолатыгар нэһилиэк Сэбиэтэ, нэһилиэнньэ бэрэстэбиитэллэрэ кыттыылаах улахан кутурҕаннаах мунньах тэриллибит. Ол түмүгүнэн В.И. Ленин аатын Дьөҥкүүдэй сэбиэскэй сэттэ группалаах оскуолатыгар  иҥэрэргэ уураах ылыммыттар.

Наркомпросздрав 1924 сыл кулун тутар 3 күнүнээҕи 63-с нүөмэрдээх бирикээһинэн ити дьаһалы бигэргэппит. Ол туһунан “Автономная Якутия” хаһыат 1924 с. кулун тутар 8 күнүнээҕи 54-с нүөмэригэр бэчээттэммит.

доки

Уолба кыраайы үөрэтэр түмэлэ умайыан иннинэ онно оҕолор Надежда Крупскаяны кытта суруйсубут матырыйааллара эҥин баара. Музей бүтүн биир салаата Ленинскэй хос диэн этэ.

856bfe32 47c3 43b1 8b2c d48c9f2709f8

Күн бүгүн Ленин аатынан Уолба оскуола-садка 75 оҕо үөрэнэр. Дириэктэр Алексей Валентинович Аржаков .

Дьэ, ханнык да бириэмэ кэллин, хайа да былаас олордун, ылыммыттарын таҥнарбат бигэ олохтоох уолбалар ити курдук Лениннэрин өрө тутан, кини ыйбыт суолунан айа-тута, үлэлии-хамсыы олороллор.

5 14

Манна даҕатан эттэххэ, Саха АССР 50 сылыгар Уолба бөһүөлэгин ортотугар баар Курган диэн ааттыыр томтордорун үрдүгэр энтузиаст учуутал Климент Степанович Неустроев салалтатынан чороон быһыылаах пааматынньыгы туруорбуттара – ол билигин нэһилиэк дьаралыгын бэлиэтигэр кытта киирбит киэн туттуулара буолар.

397104c6 fbda 4fce 8a01 c61d63812c58

Саха АССР 100 сылын бэлиэтээри сылдьабыт. Оттон уолбаларга ити бэлиэ түгэҥҥэ анаммыт, 50 сыл устата  турбут үйэлээх оҥоһук баара саныырга да астык!

d0909ae0 a7c1 48c8 9b68 364afc174c2a

  “

  • 13
  • 0
  • 1
  • 0
  • 0
  • 0

Комментарии (1)

This comment was minimized by the moderator on the site

Үөрэххэ,үлэҕэ ситиһиилэри !

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением