Издательский дом Редакция Подписка
Погода в Якутске: . 14 oC

Саха Өрөспүүбүлүкэтин кылаабынай судаарыстыбаннай санитарнай бырааһа Маргарита Игнатьева коронавируһу утары быһыыны булгуччу ылары тохтотор туһунан уураахха илии баттаата.

Саха Өрөспүүбүлүкэтин кылаабынай судаарыстыбаннай санитарнай бырааһа Маргарита Игнатьева коронавируһу утары быһыыны булгуччу ылары тохтотор туһунан уураахха илии баттаата.

Бу саҥа уураах былырыын 2021 сыл ыам ыйын 19 күнүгэр ылыллыбыт уураах модьуйууларын көтүрэр. Ол курдук, аны мантан ыла быһыыны ылбатах дьону үлэттэн уураппаттар.

Пандемия саҕаланыаҕыттан Саха Сиригэр 180 тыһыынчаттан тахса киһи хоруона хамсыгар сутуллубут. Ыарыы муҥутуур көрдөрүүтэ бу сыл тохсунньу-олунньу ыйдарыгар бэлиэтэммит: 82 тыһыынчаттан тахса киһи (ыалдьааччылар уопсай ахсааннарыттан 45,6 %-а) коронавирустаабыт. Ол кэнники ыарыы таһыма түргэн тэтиминэн намтаан барбыт.

Роспотребнадзор быһыы ыарыыттан харыстыырын, сыл аҥаарынан хат ылар (ревакцинация) өссө туһалааҕын санатар.

“Һуу, барыта ааста”, -- диэн, сэрэхтээхтик сылдьаргытын умнумаҥ. Ыарыы долгуна хат кэллэҕинэ, санитарнай быраас саҥа уурааҕы таһаарыан сөп.

Даҕатан эттэххэ, 2022 сыл бэс ыйыгар вакциналаммыт дьон ахсаана өрөспүүбүлүкэҕэ 87,7 % тэҥнэспит. Ревакцинацияны улахан дьон 81 % ааспыт. 

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением