Информатикаҕа
Абсолютнай кыайыылаах -- Урал федеральнай университетын иһинэн анал үөрэтэр киин үөрэнээччитэ Артем Кутузов.
Математикаҕа
Юниордарга -- Казахстаан Өрөспүүбүлүкэтин Павлодар куоратыттан Владимир Роговскай.
Үрдүкү кылаастар бөлөхтөрүгэр муҥутуур кыайыылаах -- Тамерлан Бурамбаев (Казастаан).
Физикаҕа
Юниордарга -- Румыния Бухарест куоратын Тюдор Виан аатынан национальнай оскуолатын үөрэнээччитэ Разан Чиву.
Улахаттарга -- Даир Нуртаев, эмиэ Павлордартан (Казахстаан).
Химияҕа
Юниордарга -- Назарбаев аатынан интеллектуальнай оскуола үөрэнээччитэ Шингис Токанов (Казахстаан).
Улахаттарга абсолютнай чемпион – Сингапуртан Чан Чи Янг Лимин.
Көрөргүт курдук, Саха Сирин хамаандатыттан ким да бастаабата. Ол аата үөрэх хаачыстыбатыгар болҕомто өссө күүһүрүөн наада эбит. Бу икки сыллаах пандемия да сабыдыаллаабыта чахчы. Хата, Болонскай систиэмэттэн тахсабыт. Баҕар, оскуолаҕа үөрэтии тиһигэр үчүгэй уларыйыылар буолуохтара.
Ол гынан баран, миэстэлэспиттэрбит элбэхтэрэ үөрдэр. “Мин юниордарга математикаҕа III истиэпэннээх диплому туттум. Тугу кыайарбынан оҥоро сатаабытым. Саамай үчүгэйэ – төбөҕүн сынньан, барытын умнан туран суоттуур кэмиҥ”, -- диир Давид Николаев, Өрөспүүбүлүкэтээҕи интэринээт-лиссиэй IX кылааһын үөрэнээччитэ.
“Бэйэҥ кыаххын тургутаргар, атыттары кытта тэҥнииргэ бэртээхэй күрэх эбит. Ордук иккис тур олус умсугутуулаах этэ – экспериментальнай садаачалары толоруу. Улахан уопуту “Туймаада” олимпиадатыттан ыллым”, -- диир Казань университетын анал үөрэтэр киинин үөрэнээччитэ Таисия Лукаш.
Оҕолор үлэлэрин Бүтүн Арассыыйатааҕы уонна Норуоттар икки ардыларынааҕы олимпиадалар хамыыһыйаларыгар үлэлиир преподавателлэр бэрэбиэркэлээтилэр.
Тэрийээччилэр сылтан сыл ахсын олимпиада таһыма үрдээн иһэрин бэлиэтииллэр. Эһиил үбүлүөйдээх ХХХ “Туймаадаҕа” биһигиттэн бастыахтара диэн эрэнэбит!
-
2
-
0
-
0
-
0
-
0
-
0
