Издательский дом Редакция Подписка
Погода в Якутске: . -12 oC

Бүгүн, ол эбэтэр  балаҕан ыйын 10 күнүгэр, күнүс 13.00 чаастан Хатаспытыгар «Уулуссаҥ историятын бил» диэн бырайыак чэрчитинэн, «Аһаҕас халлаан анныгар музей» диэн хайысханан хас эмэ уонунан киһи бэлисипиэтинэн нэһилиэкпитин кэрийдибит.

Бүгүн, ол эбэтэр  балаҕан ыйын 10 күнүгэр, күнүс 13.00 чаастан Хатаспытыгар «Уулуссаҥ историятын бил» диэн бырайыак чэрчитинэн, «Аһаҕас халлаан анныгар музей» диэн хайысханан хас эмэ уонунан киһи бэлисипиэтинэн нэһилиэкпитин кэрийдибит.

Аахсыйабыт аата «100 сыл – 100 бэлисипиэт тэбээччи» диэн. Сыала-соруга -- чөл, чэгиэн олоҕу пропагандалааһын уонна ийэ дойдуга бэриниилээх буолууну иитии, доруобуйаны тупсарыы.

все1 2

Хатаспытыгар 72 уулусса баар эбит буоллаҕына, 22 уулуссата Хатаспыт уһулуччу үтүө майгылаах, үлэһит бэрдэ, хорсун-хоодуот дьоммут аатын сүгэр.

игрэ1

Аахсыйабыт "Дьаарын" түөлбэҕэ баар Калачев Анатолий Петрович аатынан уулуссаттан саҕаланна. Ол кэннэ Малгин түөлбэтигэр киирэммит убайдыы бырааттыы Малгиннар, Р.Ф. Николаев, И.И.Захаров, П.Н.уонна Н.Е Самсоновтар ааттарынан уулуссаларынан сыыйа С.А.Алексеев уулуссатыгар тахсаммыт "Киэҥ Хочо" түөлбэҕэ А.П.Никифоров уулуссатыттан саҕалаатыбыт. Онтон бырааттыы Емельяновтар, Ф.Е. Константинов, А.Д.Андреев, Е.Н уонна Н.И. Дегтяревтар, А.Д.Дьяконов, А.И.Еремеев,С.К.Щукин, Е.А. уонна В.В. Мокрощуповтар уулуссаларын ааһаммыт сыыйа "1 Баҕарах" түөлбэҕэ киирдибит. Онно П.П.Софронов, Е.М.Решетников, Д.И.Панаев,Ю.Н.Шараборин, Н.П.Петров, П.П.Федорова уулуссаларыгар таарыйдыбыт. Ол тухары бу ааттаммыт дьоммут туһунан киэн тутта, өрө көтөҕүллэ кэпсээтибит-сэһэргээтибит. Бу түгэҥҥэ, бу күҥҥэ бу дьоммут аймах-билэ дьонноро, көлүөнэ ситимэ оҕолоро, сиэннэрэ саха дьонун сиэринэн  үөрэ-көтө айах тутар алаадьылаах, муорустаах, бэрэскилээх, кэмпиэттээх, сибэккилээх, хаартыскалардаах  көрсүбүттэрэ наһаа долгутуулаах, истиҥ иһирэх эйгэни, махталлаах буолууну үөскэттэ.

трурар1

парад1

 Дьэ ити курдук бу аахсыйаҕа нэһилиэнньэ араас эйгэтэ барыта кытынна – дьиэҕэ оҕо көрөн  олорооччу, бочуоттаах сынньалаҥҥа олороччу, оскуола  үс сүһүөх кылаастарыттан, күн бүгүн үлэлии-хамсыы сылдьааччы.

1 4

Аахсыйа олохтоох дьаһалта, орто оскуола уонна “Тускул” КК ситимнээх үлэлэрин түмүгэ диэн чуолкайдаан этэр тоҕоостоох. Олохтоох дьаһалта салайааччыта Е.П. Пермяков, ХОО дириэктэри иитэр үлэҕэ солбуйааччы В.В. Обоюкин, “Тускул” КК дириэктэрэ В.А. Чепалов аахсыйа кыттаачыларын кытта бииргэ буолан бэлисипиэтинэн сылдьыбыттара кэрэхсэбиллээх кэпсээн. Өссө биир тоһоҕолоон бэлиэтээһин -- олохтоох дьаһалта кэлэктиибэ толору састаабынан кыттыыта буолла.

дьаһалта1

Онтон лоп курдук үс чааска «Күөх сирэм» этно-сквербитигэр «Доруобуйа ыллыга» диэн бырайыак үлэтин саҕалаата.

тропинка1

Бу бырайыак “Тускул” КК кэлэктиибин идиэйэтин куруутун инники күөҥҥэ сылдьар Михаил Спартакович Окороков  төрөппүт оҕолорунаан быһаччы көмөтүнэн, өйөөһүнүнэн олоххо киирдэ. Манна сквери эргийэ киһи хаамар сирэ баарын туһанныбыт.  Хаама сылдьан, сквер үүнээйилэрин билсиһиннэрэр табличкалартан айылҕа күүһүн туһанарга үөрэниэххэ сөп. Эбэтэр мээнэ боростуойдук хаампакка, сискэ, сүһүөххэ, искэ-үөскэ туһалаах хамсаныыларга аналлаах анал оҥоһуктар (дорожклар, мас дэтээллэр, о.д.а.) бааллар. Тохтобул буолар ыскамыайкатын аттыгар тилэххэ баар туочукалары туһанан, доруобуйаны тупсарыахха сөптөөх табличка уурулунна.  Маны эмиэ нэһилиэнньэ бары араҥата туһаныан сөп. Бүгүн бу маршруту «Турук» бөлөх чилиэннэрэ боруобалаатылар.

сканди11

Ол кэннэ сылын аайы үгэскэ киирбит кэтэһиилээх-долгутуулаах тэрээһин – үрүҥ, кыһыл көмүс, изумруднай сыбаайбалаахтары эҕэрдэлээһин сиэрэ-туома ыытылынна.

открыт1

Кинилэр кимнээхтэрий?

Петр Петрович, Мария Васильевна Григорьевтар – 55, Евдокия Дмитриевна, Вячеслав Михайлович Теннэр – 50, Вячеслав Константинович, Елена Михайловна Гаврильевтар, Иван Николаевич, Мария Сергеевна Дегтяревтар, Надежда Николаевна, Михаил Иннокентьевич БурнашевтарЛеонид Николаевич, Туйаара Васильевна Никифоровтар 25 сыл ыал буолан олорбуттарын бэлиэтээтибит уонна кинилэр ааттара кэргэнниилэр Бочуоттаах кинигэлэригэр үйэтитилиннэ. 

награжденные1

Маны тэҥэ Алексей Васильевич, Александра Михайловна Мокрощуповтар, Людмила Степановна, Михаил Гаврильевич Саввиннар Дьокуускай куорат дьаһалтатын аатыттан эҕэрдэ суругу туттулар.

Дьокуускай куорат төрүттэммитэ 390 сылынан нэһилиэкпит сайдыытыгар үтүө суобастаахтык үлэлэспит  Р.М.Аргунова, К.В.Калачева, А.И.Копырина түөскэ кэтиллэр бэлиэни уонна бэлэх кинигэ туттулар.

Үбүлүөйдээх күннэр биир бэлиэ тэрээһиннэрэ – П.П. Федорова анаммыт быыстапканы нэдиэлэ устата 300 тахса киһи кэлэн көрөн барда.

шарик1

  • 10
  • 1
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением