Никифор Кирикович Седалищев- Дьүөгэ Ааныстыырап аатынан Үөһээ Бүлүү улууһун Кэнтик орто оскуолата "Тыа сирин бастыҥ оскуола остолобуойа -2022" номинацияҕа кыайда. Оттон «Куораттааҕы бастыҥ оскуола остолобуойа– 2022» номинацияҕа үрдүк ааты Дьокуускайдааҕы Саха политехническай лицей ылла. Куонкуруска барыта 19 оскуола кыттыбыта биллэр.
Өрөспүүбүлүкэ иһинэн кыайыылаахтары быһаарыы түһүмэҕэ алтынньы ый 27 күнүттэн сэтинньи 11 күнүгэр диэри ыытыллыбыта диэн СӨ Үөрэҕирии уонна билим министиэристибэтэ иһитиннэрдэ.
Оскуола остолобуойун үлэлэрин СӨ Доруобуйаҕа харыстабылын министиэристибэтэ, Роспотребнадзор эрэгийиэннээҕи салалтата, Саха Сирин ас технологияларын өрөспүүбүлүкэтээҕи киинэ, Саха Сирин төрөппүттэрин Сэбиэтин чилиэннэрэ уонна үрдүк квалификациялаах экспертэр сыаналаатылар. Жюри кыайыылаахтары баалынан-рейтинг систиэмэ түмүгүнэн быһаарда.
Кыайыылаах оскуолалар остолобуойдарын үлэһиттэрэ Саха Сирин чиэһин сэтинньи 22 күнүттэн, үс түһүмэҕинэн, Уфа уонна Москва куораттарынан ыытыллар Бүтүн Арассыыйатааҕы «Бастыҥ оскуола остолобуойа-2022» куонкуруска көмүскүөхтэрэ.
Кыайыылаахтарга салгыы федеральнай таһымнаах күрэххэ ситиһиилэри баҕарабыт.
-
6
-
1
-
0
-
0
-
0
-
0
