Михаил Никифоров этэринэн, ас-үөл, мал-сал саппааһа биирдиилээн атыыга 59 хонук, кууһунан 50 хонукка тиийэр.
СӨ сыанаҕа судаарыстыбаннай кэмитиэтин иһитиннэриитинэн, бүтэһик үс хонукка 3% диэри сыана үрдээһинэ ас 16 көрүҥэр бэлиэтэммит (ынах этэ, саахар, чэй, ынах арыыта о.д.а.)
Алта көрүҥҥэ сыана 2% диэри түспүт (сибиинньэ, куурусса эттэригэр, балыкка, гречкаҕа, виноградка). Алта көрүҥҥэ уларыйыы суох.
Кэмитиэт СӨ Прокуратуратын кытта күн ахсын оруна суох сыана үрдээбэтигэр үлэлииллэр, кэтииллэр.
Бүгүҥҥү туругунан тимир суолунан 1316 вагоҥҥа тиэллибит табаар Саха Сиригэр сүөкэнээри айаннаан иһэр, олортон 678 вагон Аллараа Бэстээх станциятыгар. Аллараа Бэстээххэ 351 вагон кэллэ. Сүөкээһин уонна табаары тиэйии үлэтэ күүһүрдүллүбүт эрэсииминэн барар.
-
1
-
0
-
0
-
0
-
0
-
0
