Элбэх кыбартыыралаах дьиэни салайар лицензияны ыларга бу докумуон ирдэнэр, лицензия ылыы биир сүрүн ирдэбил буолар.
Квалификация эксээмэнин управляющай хампаанньа салайааччылара уонна үлэлии киириэн баҕалаахтар туттараллар. 2022 сыл муус устар уонна ыам ыйдарыгар СӨ тутууга надзорун управлениетын лицензионнай хамыыһыйатыгар оннук дуоһунастардаахтан уонна физическэй сирэйдэртэн барыта 8 сайабылыанньа киирбит. Квалификационнай эксээмэни 5 управляющай хампаанньа бэрэстэбиитэллэрэ ситиһиилээхтик туттардылар.
«Эксээмэн туттарыы бэрээдэгэ РФ тутуу министиэристибэтинэн бигэргэтиллэр. Кинилэр тест боппуруостарын толкуйдаан, анааран туруораллар. Үксүн тутуу сокуоннарын эйгэтиттэн, элбэх кыбартыыралаах дьиэлэр туруктарын сөптөөхтүк салайыы тиэхэньиичэскэй чааһын хабар. Бу билиилэри салайааччы билэрэ ирдэнэр», - диэн бэлиэтиир управление салайааччыта Павел Аргунов.
Эксээмэн көмпүүтэргэ тест быһыытынан буор-босхо оҥоһуллар. Икки чаас иһигэр 100 боппуруостан аччаабыта 86-гар сөптөөх эппиэт ирдэнэр. Эксээмэни ситиһиилээхтик туттарыы туоһутунан квалификационнай аттестат туттараллар, манна олоҕуран, салайааччы дуоһунаһын ылыахха сөп. Докумуон болдьоҕо 5 сыллаах. Бу кэм аастаҕына, салайааччы хаттаан тест туттаран, саҥа аттестат ылыахтаах.
- 0
- 0
- 0
- 0
- 0
- 0