Саха Сиринээҕи Быыбар киин хамыыһыйата иһитиннэрэринэн, 2023 сылга Саха Өрөспүүбүлүкэтигэр 87 быыбар хампаанньата буолар, ол иһигэр Саха Өрөспүүбүлүкэтин Ил Дарханын талыахпыт.
Маны тэҥэ Ил Түмэн, Дьокуускай куорат Дууматын, улуус дьокутааттарын сэбиэтин быыбардара буолуоҕа. Сорох улуустарга нэһилиэк, улуус баһылыктарын талыахтара.
Уопсайа 646 089 быыбаардааччы испииһэккэ киирбиттэр. 22 тыһ. 078 тыһыынча киһи “Мобильнай куоластааччы” мэхэниисиминэн туһанан быыбардыырга табыгастаах учаастактарын талбыттар.
4621 киһи ыраах, мөлтөх суоллаах-иистээх сирдэргэ олороллорунан эрдэ куоластаабыттар.
Быыбардыыр бюллетеннэри обработкалыырга Дьокуускай куоракка 63 анал комплекс үлэлиир.
Баартыйалартан уонна Саха Сирин уопсастыбаннай палаататыттан 5772 кэтээн көрөөччү сокуон кэһиллиитэ тахсыбатын көрөллөр.
Бары быыбардыыр учаастактарга видеофиксация, оттон ТИК-тарга уонна ОИК-тарга видеокэтээһин сириэстибэлэрэ туруорулуннулар.
-
0
-
0
-
0
-
0
-
0
-
0
