Сис кэмитиэккэ үлэлиир 10 дьокутааттан сэттэтэ кыттыыны ылан кворум баарынан ааҕылынна. Бары даҕаны улахан уопуттаах салайааччылар мустубуттар. Миниистирдэринэн, улуус дьокутааттарын сэбиэтин бэрэссэдээтэллэринэн, улуус, нэһилиэк баһылыктарынан үлэлээбит уопуттаахтар.
Бэбиэскэнэн икки боппуруос көрүлүннэ.
Бастакы боппуруоһунан “СӨ муниципальнай сулууспатын туһунан” сокуон 10-с уонна 16-с ыстатыйаларыгар федеральнай сокуоҥҥа сөп түбэһиннэрэн уларытыылары киллэрии ырытылынна. Бэлиэтээн эттэххэ уларытыыны киллэрэргэ Минюстан, СӨ бырабыыталыстыбатыттан, Ил Түмэн аппараатыттан бэлиэтээһиннэр (замечаниелар) суохтар.
Иккис боппуруоһунан сис кэмитиэт бэрэссэдээтэлин солбуйааччыларын аһаҕас куоластааһынынан талааһын турда. Дуоһунаска үс хандьыдаат туруоруммутуттан, балаһыанньаҕа олоҕуран икки дьокутааты таллылар. Куоластааһын түмүгэр миниистирдэринэн, улуус баһылыктарынан үлэлээбит Афанасий Семенович Владимиров уонна Александр Павлович Атласов талылыннылар. Быһаарыыны Ил Түмэн мандаакка уонна регламеҥҥа хамыыһыйатыгар ыытан иккис уочараттаах пленарнай мунньахха көрөргө быһаардылар.
-
2
-
0
-
0
-
0
-
0
-
0
