Тыйаатыр үлэһиттэрэ күндү ыалдьыты алгыһынан, кымыһы иһии сиэринэн көрүстүлэр.
Салгыы тыйаатыр устун экскурс тэрийдилэр. Национальнай үнүстүрүмүөннэр Оркестрдара норуот муусукатын доҕуһуоллаан иһитиннэрдилэр. Норуот дьокутаата көстүүмнэри тигэр, реквизиттэри уурар хосторго, ноталары харайар кэбиниэккэ, муусука устар студияҕа сырытта. Тыйаатыр ситиһиилэрин билиһиннэрэр түмэли сэргээтэ.Балет артыыстара Сергей Зверев - Кыыл уола туруорбут “Оһуор” сахалыы үҥкүүнү көрдөрдүлэр.
Тыйаатыр салалтатын кытары истиҥ кэпсэтии буолла. Уопсай хаартыскаҕа түһүүннэн тэрээһин түмүктэннэ.
-
1
-
0
-
0
-
0
-
0
-
0
