Издательский дом Редакция Подписка
Погода в Якутске: . 18 oC

Сыл саҕаланыаҕыттан өрөспүүбүлүкэ үрдүнэн  77 048 оҕо төрөппүтүгэр уонна 1 831 хат дьахтарга биир кэлим босуобуйа ананна диэн “Улусмедиа” суруйар. Россия Социальнай пуондатыттан Саха сиригэр  10 миллиард 640 мөлүйүөнтэн тахса солкуобай  анаммыт. Бу туһунан СӨ Россия Социальнай пуондатын салаатын управляющайа Марина Герман иһитиннэрбитэ. Итиэннэ биир кэлим босуобуйаны оҥотторууга элбэх оҕолоох төрөппүттэргэ уратытын бэлиэтээтэ.

Сыл саҕаланыаҕыттан өрөспүүбүлүкэ үрдүнэн  77 048 оҕо төрөппүтүгэр уонна 1 831 хат дьахтарга биир кэлим босуобуйа ананна диэн “Улусмедиа” суруйар. Россия Социальнай пуондатыттан Саха сиригэр  10 миллиард 640 мөлүйүөнтэн тахса солкуобай  анаммыт. Бу туһунан СӨ Россия Социальнай пуондатын салаатын управляющайа Марина Герман иһитиннэрбитэ. Итиэннэ биир кэлим босуобуйаны оҥотторууга элбэх оҕолоох төрөппүттэргэ уратытын бэлиэтээтэ.

«Элбэх оҕолоох дьиэ кэргэҥҥэ икки төрөппүттэн биирдэстэрэ дохуота суох буоллаҕына, суоҕун көрдөрүөхтээх. Маннык түгэҥҥэ босуобуйаны анааһыҥҥа бу биричиинэ аккаас бэриллэригэр олук буолуо суохтаах. Ол оннугар иккис төрөппүт дохуоттаах буолуохтаах эбэтэр дохуота суох түгэнигэр, туох биричиинэттэн дохуота суоҕун ырылыччы көрдөрүөхтээх. Элбэх оҕолоох дьиэ кэргэн таһыма социальнай харысхал тэрилтэтигэр бигэргэммит буолуохтаах», – диэн Марина Герман быһааран биэрбит.

Ону таһынан элбэх оҕолоох дьиэ кэргэн  2 массыыналаах, 2 матасыыкыллаах уонна 2 гаражтаах буолара көҥүллэнэр. Дьиэ кэргэн 4-тэн элбэх оҕолоох буоллаҕына, массыына кыамтат 250 ат кыаҕын саҕа күүстээх мотуордаах буолуон сөп уонна 5 сылтан ордук сүүрбэтэх буоллаҕына, босуобуйаҕа аккаас кэлиэ суохтаах. Оттон хамсаабай баай-дуол өттүгэр этэр буоллахха, бас билиигэ элбэх оҕолоох дьиэ кэргэҥҥэ социальнай өйөбүл быһыытынан судаарыстыбаттан анаммыт эбэтэр өйөбүл харчынан толору төлөнөн ылыллыбыт баай-дуол бас билии испииһэгэр ааҕыллыбат. Инньэ гынан, босуобуйаҕа аккаастыырга биричиинэ буолбат.

Биир кэлим босуобуйаҕа сайабылыанньа толорорго 17-гэр диэри саастаах оҕо барыта киирэр. Ону тэҥэ бу босуобуйаҕа эбии 3-гэр диэри саастаах оҕолоохтор сайабылыанньанан Ийэ хапытаалыттан төлөбүр ылыахтарын сөп.

Санатар буоллахха, биир кэлим босуобуйа 12 ыйга ананар. Биир сылынан төлөбүр тохтотуллар. Салгыы босуобуйаны ылар туһугар сайабылыанньаны хаттаан биэрэр ирдэнэр. 2024 сылга сайабылыанньа болдьоҕо бэс ыйыгар бүтэр буоллаҕына, саҥа сайабылыанньаны бэс ыйыгар эбэтэр от ыйыгар биэриэххэ сөп. Оччотугар дьиэ кэргэн үбүнэн өйөбүлү сылы эргиччи туһанар кыахтанар.  Оттон  сайабылыанньаны Госуслуга портал нөҥүө дьиэттэн, үлэттэн тэйбэккэ эрэ, бэрт судургутук бэриллэр.

Социальнай өйөбүллэр тустарынан сиһилии контакт-киин 8-800-100-00-01 (босхо) нүөмэригэр эрийэн ыйытыаххытын сөп.

“Улусмедиа” , СӨ Бырабыыталыстыбатын уонна Ил Дархан пресс-сулууспатын матырыйаалыттан

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Дьааҥыга - ойуур баһаара

Дьааҥы улууһугар от ыйын 24 күнүнээҕи туругунан 2 ойуур баһаара бэлиэтэммит. Ол курдук,…
24.07.24 19:59