“Быйыл үп-харчы өттүнэн уустуктардаах буолан, чохпут сорох чааһа уунан кыайан кэлбэт диэн баран, ГУП ОДЬКХ министиэристибэтин кытта кэпсэтии түмүгүнэн, Бырабыыталыстыбаҕа тахсаннар, Амма өрүһүнэн 10000 тонна кэриҥэ чох кэлэр буолла. Ол курдук уопсайа 4 баржа, ол иһигэр “Николай Архипов” баржа ыам ыйын 24-26 күннэрин диэки кэлэллэрэ күүтүллэр. Билигин уубут таһыма сөптөөх. Нерюнгригэ, Алдаҥҥа хаардаан, ардахтаан, хара уута киллэрэн, баржалар харгыһа суох кэлэллэригэр эрэнэбит. Кэлбит чоҕу сүөкээһини тэрийиигэ “Сахаспецтранс” тэрилтэ салайааччыта Семен Пахомовы кытта сүбэ мунньах ыытан, тэрилтэ сүөкэнэр сирин бэлэмнээһин үлэтин ыыта сылдьар. Тэрилтэ бу үлэҕэ уопуттаах. Онон кылгас кэмҥэ чоҕу сүөкүөхпүт диэн эрэнэбин. Бу чохпут баар саппааһы кытта аны кыһын ахсынньыга диэри тиийиэхтээх. Оччотугар айан суолунан ыарахан уйуктаах техниканан чох тиэйиитэ суол тоҥмутун кэннэ ыытыллыа”, — диэн улуус баһылыгын бастакы солбуйааччы Василий Бураев этэр.
Хаартыска: Амма олоҕо
-
0
-
0
-
0
-
0
-
0
-
0
