Төһө да ыраах, Арассыыйа киин сирдэриттэн тэйиччи сыттар, Дьокуускай куорат үрдүк сайдыылаах, опера, балет ускуустубатын өрө туппут, Уһук Илиҥҥи эрэгийиэҥҥэ соҕотох тыйаатырынан биллэр.
Быйылгы бэстибээл Арассыыйатааҕы култуура үлэһиттэрин айар сойуустарын Санкт- Петербурдааҕы отделениятын уонна Суорун Омоллоон аатынан опера уонна балет тыйаатырын тэрээһининэн буолар.
Мариинскай уонна Большой театр артыыстарын кэлиилэрин классическай муусука ускуустубатын сайдыытын өйүүр FES фонда тэрийэр (Forma Energia Scaena, Санкт-Петербург к.).
Фестивалга кыттыыны ылыахтара опера уонна балет сулустара, биллиилээх артыыстар:
Глеб ПЕРЯЗЕВ, бас, Мариинскай театр солиһа (П.И. Чайковскай аатынан XVII аан дойдутааҕы күрэх лауреата);
-Алексей АСЛАНОВ, Мариинскай театр уонна Большой театрдирижера (II аан дойдутааҕы С.В. Рахманинов аатынан пианистар күрэхтэрин лауреата);
-Григорий ЧЕРНЕЦОВ, баритон СӨ үтүөлээх артыыһа(Санкт-Петербург к.);
-Алексей ТАТАРИНЦЕВ, тенор (Хотугу Осетия- Алания Республикатынүтүөлээх артыыһа, Лучано Паваротти аатынан Аан дойдутааҕы тенордаркүрэхтэрин уонна«Онегин»Национальной опера премиятын лауреаттара);
-Мария БУЛАНОВА, Мариинскай театр балерината( «Vaganovaprix» балет күрэҕин лауреата);
-Татьяна ПАВЛОВСКАЯ, сопрано, Мариинскай театрсолиһа( элбэх Аан дойду таһымнаах күрэхтэр лауреата, Арассыыйа үтүөлээх артыыһа, Грэмми премиятын икки төгүллээх кыайыылааҕа);
-Агунда КУЛАЕВА, меццо-сопрано, Большой театр солиһа (Арассыыйа үтүөлээх артыыһа,Хотугу Осетия- Алания Республикатынүтүөлээх артыыһа, Б.Христов аатынан XIV аан дойдутааҕы эдэр опера ырыаһыттарын күрэҕин лауреата);
-Анатолий КУЗНЕЦОВ, биллэрпианист (Хотугу Осетия- Алания Республикатынүтүөлээх артыыһа,ССРС норуодунайартыыһыгарЕлена Образцоваҕа уһун сылларга концертмейстердаабыта);
-Рустам ИСХАКОВ, Башкирскай опера уонна балет театрыгар балет артыыһа (Башкортостан Республикатын норуодунай артыыһа, Россиятааҕы күрэх лауреата).
Онон бу үрдүк таһымнаах, Россия биллиилээх артыыстара кыттыылаах улахан фестиваль уһук хотугу дойдуга Дьокуускай куоракка классическай искусствоны сэҥээрээччилэргэ умнуллубат кэрэ түгэн буолуоҕа.
Ыҥырыылаах артыыстар «Евгений Онегин», «Иоланта»,«Лебединое озеро» испэктээкиллэргэ сүрүн партиялары толоруохтара. Уонна улахан түмүктүүр кэнсиэргэ кыттыахтара. Ону таһынан П.И. Чайковскай айар үлэтигэр аналлаах араас тэрээһиннэргэ, выставкаларга, экскурсияларга, маастар-кылаастарга үрдүк, орто үөрэх кыһаларыгар, оҕо искусствотын оскуолаларыгар кыттыыны ылыахтара, кэпсиэхтэрэ- ипсиэхтэрэ. Ол барыта куйаар ситимигэр көстүөҕэ, өссө киэҥ эйгэҕэ тахсыаҕа, Саха сиригэр эрэ буолбакка, Улуу Россияҕа тэнийиэҕэ.
-
0
-
0
-
0
-
0
-
0
-
0
