Бүлүү улууһун I Күүлэт баһылыга Айаал Петрович Новиков:
-- Бүлүү улууһуттан 30 киһилээх дэлэгээссийэ кытынна.
Мин саамай сэҥээрэ, интэриэһиргии олохтоох салайыныы боппуруоһун ырытар төгүрүк остуолга кытынным.Ааспыт отучча сыл устата 131-с федеральнай сокуонунан үлэлээн кэллибит. Быйыл кулун тутарга 33-с федеральнай сокуон Арассыыйаҕа ылыллыбыта. Онно олоҕуран Сахабыт Сиригэр уларыйыылардаах, эбиилэрдээх олохтоох салайыныыга туһуламмыт сокуон ылыллан эрэр. Биһиги өрөспүүбүлүкэбитигэр икки таһымнаах былаас систиэмэтэ оннунан хаалла. Манна даҕатан эттэххэ, быйылгы сийиэс сүрүн дьүүллэһиитинэн Ил Түмэн уочараттаах пленарнай мунньаҕар бастакы ааҕыыны ааспыт «Саха Өрөспүүбүлүкэтигэр олохтоох салайыныы туһунан» саҥа өрөспүүбүлүкэтээҕи сокуон барыла буолла. Сокуонунан өрөспүүбүлүкэҕэ олохтоох салайыныы икки таһымнаах тиһигэ олохтонно. Манна даҕатан эттэххэ, дойдубут үрдүнэн 89 эрэгийиэнтэн 19 эрэ эрэгийиэн маннык салайыныыны талла.
-
0
-
0
-
0
-
0
-
0
-
0
