Владимир Владимирович Колосов, Амма улууһун дьокутааттарын сэбиэтин бэрэссэдээтэлэ:
-- Сийиэс олус үчүгэйдик ааста, элбэх боппуруостары ырыттыбыт. Биһиги үс төгүрүк остуолга үллэстэн сырыттыбыт, кэллиэгэлэрбитин кытары уопут атастастыбыт, кэпсэттибит, сытыы боппуруостары ырыттыбыт.
Мин олохтоох салайыныы сокуонугар киирэр уларыйыыларга туһуламмыт төгүрүк остуолга санаабын эттим, ол түмүгүнэн резолюцияҕа киирэр этиилэри пленарнай чааска иһитиннэрдим.
Манна даҕатан эттэххэ, биһиги сиэксийэбитигэр 200-тэн тахса дэлэгээт кытынна, ол иһигэр 27 улуустан 25 бэрэстэбиитэллээх уорган бэрэссэдээтэллэрэ, 5 улуус, 52 нэһилиэк баһылыктара, улуус, нэһилиэк дьокутааттара.
Ол курдук резолюцияҕа муниципальнай сулууспалаахтарга хамнас үрдэтиитин туруорустубут. Норуот туһугар үлэлиир дьон сокуонунан бигэргэтиллибит мэктиэлэрин, биэнсийэҕэ тахсыыга чэпчэтиилэри, өр сыл үлэлээбиттэргэ төлөбүрдэри, статуһу үрдэтиигэ дьаһаллары ырыттыбыт, этии киллэрдибит. Инникитин каадыры бэлэмнээһиҥҥэ өссө күүстээх үлэ барыахтаах диэн сыаналыырбытын биллэрдибит.
Кэпсэтии олус таһаарыылаах буолла. Дэлэгээттэр күннээҕи кыһалҕалары эрэ буолбакка, олохтоох салайыныы саҥа сокуонугар элбэх боппуруостары ыйыттылар, этиилэри киллэрдилэр.
Түгэнинэн туһанан сийиэс тэрийээччилэригэр бу улахан тэрээһини иилээн-саҕалаан ыыппыттарыгар улуус дэлэгээссийэтин аатыттан махталбын тириэрдэбин.
-
1
-
0
-
0
-
0
-
0
-
0
