Муус устар 6 күнүнээҕи туругунан, улууска уопсайа 275,9 туонна эбии аһылык кэллэ. Ол иһигэр: 82,1 туонна от, 121,4 туонна сенаж, 72,4 туонна концентрированнай эбии аһылык (комбикорм, эбиэс, туус).
СӨ Тыа хаһаайыстыбатын уонна ас-үөл бэлиитикэтин министиэристибэтин өйөбүлүнэн 150,8 тн. от Чурапчы, Амма, Томпо улуустарыттан Абый, Майыар нэһилиэктэригэр уонна Оттоох Атах учаастагар кыһыҥҥы суолунан тиэллэн кэлбитэ. 23,8 тн от Орто Халыматтан Уолбут нэһилиэгэр эбии айаннаан иһэр. Эрдэ этиллибитин курдук, бу нэһилиэк бөдөҥ хаһаайыстыбатыгар (ИП Шкулева С.Ю) бэйэтин кыаҕынан Бүлүү улууһуттан 50,4 т сенаж атыылаһан аҕалбыта.
Улууспут олохтоох дьаһалталарын уонна хаһаайыстыбалаахтар бэйэлэрин көмөлөрүнэн уопсайа 72,4 тн концентрированнай эбии аһылык ылан кыһыҥҥы суолунан аҕалбыттара.
Бу күн туругунан сүөһү аһылыгын саппааһа 677,2 тн. хаалан турар, ол кыстык аһын уопсай саппааһыттан 32% тэҥнэһэр. 594 төбө сылгы эбии аһылыкка турар.
Бу күҥҥэ 192 ыанар ынах, 47 ньирэй төрөөтө, 1287 төбө сылгы, 2 төрөөһүн бэлиэтэннэ.
«Күөххэ үктэнии мантан саас халлаан хайдах ириэрэриттэн, хаар ууллуутуттан биллиэҕэ», — диэн Анисья Черемкина, улуустааҕы тыа хаһаайыстыбатын салайааччыта, суол сабыллыан иннинэ кэлбит эбии аһылыкка уопсай түмүгү эттэ.
Сонун төрдө уонна хаартыска: Лариса СЛЕПЦОВА, "Хотугу кыым".
-
0
-
0
-
0
-
0
-
0
-
0
