◉ Уулуссаҕа сылдьар бириэмэҕитин аччатыҥ. Кыаллар буоллаҕына, таһырдьа хаамартан уонна физкултууранан дьарыктанартан аккаастаныҥ. Бу бастатан туран оҕолорго, саастаах дьоҥҥо уонна хат дьахталларга сыһыаннаах.
◉ Түннүктэри уонна форточкалары саба сылдьыҥ. Салгылатарга кондиционеры эргийэр эрэсиимҥэ (рециркуляция) холбооҥ. Түннүгү арыйар наада буоллаҕына, хойуу инчэҕэй маарыыланан эбэтэр чараас хлопок таҥаһынан бүрүйүҥ уонна сотору-сотору уунан ибиириҥ.
◉ Тыынар уорганнары харыстыыр сириэстибэлэри туһаныҥ. Уулуссаҕа тахсаргытыгар мэдиссиинискэй маасканы эбэтэр респиратары кэтиҥ. Саамай үчүгэй фильтрацияны бырамыысыланнай уонна дьиэҕэ туттуллар респиратордар оҥороллор. Маасканы кэмигэр уларыта сылдьыҥ; инчэҕэй маасканы туһаннахха, кини көмүскүүр дьоҕура түһэр.
◉ Сотору-сотору кыбартыыраҕытыгар инчэҕэй сууйууну ыытыҥ. Буруо уонна быыл оспут чаастарын ылҕаан туран, күн аайы кыбартыыраҕытын уонна үлэлиир хосторгутун хомуйуҥ.
◉ Салгын сиигин оптимальнай таһымҥа тутуҥ. Кыаллар буоллаҕына, салгыны сиигирдэр тэрили (увлажнитель) туһаныҥ.
◉ Табахтыыртан уонна арыгыттан аккаастаныҥ. Буруо кэмигэр бу түгэннэр тыынар уонна сүрэх-тымыр систиэмэлэригэр ноҕуруусканы улаатыннараллар.
◉ Туруккутун кэтээҥ. Мөлтөөһүн, төбө эргийиитэ, салгын тиийбэтэ, сөтөл, күөмэй аһыйыыта эбэтэр атын мөлтөөһүн бэлиэлэрэ баар буоллахтарына, суһаллык мэдиссиинискэй көмөнү көрдөөҥ. Тыҥа, бронха уонна сүрэх ыарыылаахтар эмтиир быраас анааһынын халбаҥнаабакка тутуһаллара булгуччулаах.
-
0
-
0
-
0
-
0
-
0
-
0
