1945 с. ахсынньы 31 күнүгэр диэри төрөөбүт сэрии кэмин оҕолоруттан Дьокуускайга 4730 киһи олорор. Өрөспүүбүлүкэ бастакы Бэрэсидьиэнэ Михаил Николаев ыйааҕынан 1935 с. диэри төрөөбүт дьон тыыл бэтэрээннэрин ахсааннарыгар киирбиттэрэ, кинилэртэн куоракка 611 киһи баар.
Сэрии, үлэ бэтэрээннэрин, сэбилэниилээх күүстэр уонна бэрээдэги араҥаччылыыр өрөспүүбүлүкэтээҕи уорганнар биэнсийэлээх дьонун уопсастыбаннай түмсүүтүн Дьокуускайдааҕы салаатын бэрэссэдээтэлэ Николай Тряпша иһитиннэрбитинэн, Улуу Кыайыы 80 сылын көрсө Ил Дархан Айсен Николаев ыйааҕынан Аҕа дойдуну көмүскүүр сэрии кыттыылаахтарыгар 2 мөл. солк., огдооболорго 80 000 солк., тыыл бэтэрээннэригэр 40 000 солк., сэрии оҕолоругар 5000 солк. биэрдилэр.
Өрөспүүбүлүкэ салалтатын көмөтүнэн сэрии бэтэрээннэрэ бука бары судаарыстыбаттан бэриллэр босхо дьиэнэн-уотунан хааччыллыбыттара. Октябрьскай уокурукка тутуллубут кэлиҥҥи дьиэлэри пандуһунан хааччыйбыттара.
Кырдьаҕас бэтэрээннэр самаан сайын сибиэһэй салгыҥҥа, айылҕа күөх суугунун быыһыгар сынньаналларыгар учаастак түҥэппиттэрэ даҕаны, билиҥҥитэ уот, гаас киирэ илик буолан, дьиэ тутта иликтэр.
Хаартыска: Николай Тряпша архыыбыттан.
-
0
-
0
-
0
-
0
-
0
-
0
