Бары билэргит курдук, Ил Дархан Айсен Николаев муус устар 19 күнүнээҕи Ыйааҕынан уонна СӨ судаарыстыбаннай санитарнай бырааһын солбуйааччы И.Ю.Самойлова муниципальнай тэриллии салайааччыларыгар туһаайан этиитигэр олоҕуран, маассабай-култуурунай, спортивнай, аралдьытар тэрээһиннэр, быыстапкалар муус устар 20 күнүттэн ыам ыйын 8 күнүгэр диэри тохтотулуннулар. Тэрилтэнэн ыам ыйынааҕы бырааһынньыктары ыытыы хааччахтанна, мааскалаах сылдьыы, социальнай арыты тутуһуу, дезинфекциялааһын хонтуруолга ылылынна. Мантан сиэттэрэн, быйылгы Улуу Кыайыы күнүгэр аналлаах Бүтүн Арассыыйатааҕы «Өлбөт үйэлээх полк» диэн аахсыйа ыам ыйын 9 күнүгэр 15:00 чаастан онлайн ыытыллар буолла. Ол курдук, аахсыйаҕа кыттарга ыам ыйын 7 күнүгэр диэри 2021.polkrf.ru саайтка сайаапка ыытаҕыт. Саайтка сэрии кыттыылаахтарын хаартыскаларынан видео таҥыллар, база оҥоһуллар.
«Ил Түмэн» бэчээт дьиэтэ Улуу Кыайыы 76 сылыгар«Якутия Помнит/Саха сирэ умнубат» өрөспүүбүлүкэтээҕи аахсыйатын салгыы ыытарын туһунан биллэрэр.
Бу бүттүүн Саха сирин хабар патриоттуу аахсыйа Улуу сэрии сылларыгар кыргыспыт хорсун буойуннар, тыылга үлэлээбит хоһуун дьон, сэрии огдооболорун уонна тулаайахтарын, хастыы да уолларын, кэргэннэрин кыргыс хонуутугар атаарбыт ийэлэр тустарынан ытык өйдөбүлү кэлэр кэнчээри ыччакка хаалларан үйэтитэр сыаллаах тэриллибитэ. Манна киирбит ахтыылар электроннай кинигэ буолан үйэлэргэ хаалыаҕа.
Эһигиттэн киирэр ахтыылар, суруктар, иһитиннэриилэр чулуу дьоммут биографияларын бииртэн биир өрүттэрин байытан биэриэҕэ. Ол иһин эһиги, кинилэр аймахтара, уонна «Якутия Помнит/Саха сирэ умнубат» бырайыак волонтердара манна кыттыһан суруйаргыт олус суолталаах.
Саха сирин ытыктабыллаах олохтоохторо!
Аҕаларгыт, эһэлэргит, ийэлэргит, эбэлэргит, аймахтаргыт тустарынан үтүө өйдөбүлү үйэтитиҥ!
Ахтыылары Адрес электронной почты защищен от спам-ботов. Для просмотра адреса в вашем браузере должен быть включен Javascript. диэн электроннай аадырыска биитэр бэйэҕит www.yakutia-pomnit.ru саайтка регистрацияны ааһан, онлайн толорон, сайаапката ыытыҥ. Саайтка сайаапка ыытар туһунан ыйынньык «Добавить героя войны» сирэйгэ сиһилии сурулла сылдьар.
Аахсыйа туһунан сонуннары истэ-билэ сылдьарга сыаллаан, биһиги @yakutia_pomnit инстаграм-сирэйбитигэр сурутаргытыгар ыҥырабыт.
Билсэр төл.: 89644170467
-
0
-
0
-
0
-
0
-
0
-
0
