Издательский дом Редакция Подписка
Погода в Якутске: . -8 oC

БАМ легендалара Иван Николаевич Варшавскай уонна Иван Михайлович Шестаков Амур парламенын дьокутааттарын уонна ыччат парламенын чилиэннэрин кытта көрсүһүүгэ улахан тутуу, дьиэ кэргэттэрин уонна литературнай айымньыларын туһунан кэпсээтилэр.

БАМ легендалара Иван Николаевич Варшавскай уонна Иван Михайлович Шестаков Амур парламенын дьокутааттарын уонна ыччат парламенын чилиэннэрин кытта көрсүһүүгэ улахан тутуу, дьиэ кэргэттэрин уонна литературнай айымньыларын туһунан кэпсээтилэр.

Амур3

Благовещенскай куоракка кинилэр Тында куораттан эрэгийиэн баһылыгын ыҥырыытынан сырыттылар. Көрсүһүүгэ парламент бэрэссэдээтэлэ Константин Дьяконов ыалдьыттарга махтанна.

«Кинилэр дьаныардаах үлэлэрэ бүгүҥҥү үлэһиттэргэ холобур буолар. Кинилэр дойдубут «Көмүс пуондата» буолалларын биһиги умнуо суохтаахпыт. Ыалдьыттар Благовещенскай куоракка кэлэллэрин билэн үөрдүм. Бүгүҥҥү көрсүһүү кыттыылаахтарыгар кинилэри кытта ыкса билсиһэргэ кыах бэрилиннэ», - диэн иһитиннэрдэ Константин Викторович. Ыалдьыттар олохторун-дьаһахтарын, сүрүн тутууга хайдах тиийбиттэрин туһунан кэпсээтилэр. Магистраль биллииллээх биригэдьиирэ Иван Николаевич кэпсииринэн, 1974 сыллаахха Молдавияттан быстах кэмҥэ Тындинскай бөһүөлэк магистралын тутарга кыттыбыт. Усулуобуйата ыарахан этэ да, хамнаһа үчүгэйин аҕынна. Уон сыл буолан баран, Иван Варшавскай Александр Бондары кытта БАМ магистралын кыһыл көмүс звенотун холбообут хаартыскалара аан дойду үрдүнэн  тарҕаммыта.

Амур2

Иван Михайлович Шестаков олоҕун биир кэлим ударнай комсомол тутууларын курдук билиһиннэрдэ. 16 сааһыгар целинаҕа, онтон Братскайдааҕы ГЭС-кэ, Усть Илимскэй ГЭС-кэ үлэлээбитэ. 1974 сыллаахтан «Байкал-Амур магистрала» хаһыат эрэдээктэринэн ананан, хас биирдии тутуу түһүмэҕэ тохтоло суох сырдатыллыбыта. Көрсүһүү муҥутуур чыпчаалынан бэйэлэрин айымньыларын толоруу буолла. Хас биирдиилэрэ тутуу бириэмэтин поэзияҕа ураты суолталаан киллэрбиттэрэ. Иван Николаевич уһуну-киэҥи толкуйдаабакка, БАМ-ҥа анаабыт сэттэ мүнүүтэлээх айымньытын ааҕан иһитиннэрдэ.  Үөрүүлээх көрсүһүү кэнниттэн ыалдьыттар эрэгийиэн баһылыга Василий Орлов сыллааҕы отчуотугар сырыттылар. Амур уобалаһын социальнай-экэнэмиичэскэй сайдыытыгар улахан кылаатын иһин Иван Варшавскайга «Амур уобалаһыгар өҥөлөрүн иһин» бастакы истиэпэннээх бэлиэ мэтээли туттардылар. Иван Шестаков уобалас култуурунай олоҕор сүдү кылаатын иһин иккис истиэпэннээх мэтээлинэн наҕараадаланна.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением