Галина М., Үөдэй олохтооҕо:
— Электроннай куоластааһын ордук. Ол эрээри, тыа сирин саастаах дьонугар соччо табыгаһа суох курдук. Үгүстэр телефоннарыгар «Госуслуга» өҥөтө холбоно илик. Эдэрдэр, биллэн турар, көмөлөһөллөр.
Биһиэхэ баһылык дуоһунаһыгар кандидаттар бары кэриэтэ кэлэ сырыттылар. Санааларын иһиттибит. Түмүгү күһүҥҥү быыбар көрдөрүө.
Данил А., Покровскайтан пенсионер:
— Электроннай куоластааһын астыга суох даҕаны, аныгы кэм уларытыылара, ирдэбилэ буоллаҕа. Кийиитим көмөлөһөн куоластаатым. Кандидаттартан таларга уустук, барыларын билэр, улуус туһугар үлэлэһэр дьон. Кыбыттардым даҕаны, санаабын эттим.
Октябрина Ш., үлэ бэтэрээнэ, Покровскай:
— Мин олорор дьиэбэр староста буолан кандидаттары син сырдата сатаатым. Кандидаттар штабтара күүскэ үлэлииллэр, куоластыырга көмөлөһөллөр. Мин дьонум үксэ кырдьаҕастар, телефоннара да мөлтөх, сорохторо кнопкалааҕынан сылдьаллар. Электроннай куоластааһын, дьиҥинэн, судургу буоллаҕа, айаҥҥа, үлэҕэ да сылдьан быыбардыахха син. Аны күһүҥҥү быыбартан дьон элбэҕи эрэйэр.
-
0
-
0
-
0
-
0
-
0
-
0
