Бэрэсидьиэн Владимир Путин Ленинград көмүскээччилэрин уонна олохтоохторун хорсун быһыыларын Арассыыйа норуота умнубатын бэлиэтээбитэ.
– Ленинград куорат өстөөх блокадатыттан толору босхоломмута 80 сылын бэлиэтээһин чэрчитинэн, Бүтүн Арассыыйатааҕы «Хорсун быһыы 900 күнэ» аахсыйанан өрөспүүбүлүкэҕэ элбэх дьаһаллар тэриллэллэр. Библиотекаларга быыстапкалар, көрсүһүүлэр, онлайн-викториналар, иитэр-үөрэтэр кыһаларга анал кылаас чаастара ыытыллаллар, оскуола үөрэнээччилэрэ уонна устудьуон ыччаттар аҕа көлүөнэ хорсун быһыытынан киэн туттунуулаах патриотическай санааҕа иитиллэллэр, дойду историятын сыаналыырга үөрэнэллэр, – диир Бырабыыталыстыба Бэрэссэдээтэлин солбуйааччы Ольга Балабкина.
Бүгүн сарсыардаттан Дьокуускай куорат «Туймаада», «Экспо», «Проспект», «Ураса Молл» эргиэн кииннэригэр «Блокада килиэбэ» Бүтүн Арассыйатааҕы аахсыйа саҕаланна.
Күнүс 12:00 чаастан Кыайыы болуоссатыгар Ленинград куорат фашистар төгүрүктээһиннэриттэн толору босхоломмут күнүнэн сибэкки дьөрбөтүн ууруу тэриллиэҕэ. Бу туһунан Ил Дархан уонна Бырабыыталыстыба пресс-сулууспата иһитиннэрэр.
-
0
-
0
-
0
-
0
-
0
-
0
