Тэрийээччилэр Бүтүн Арассыыйатааҕы саахымат күрэхтэһиитигэр эр дьоҥҥо 1800 уонна дьахталларга 1700 диэри саахымакка рейтиннээх кыттар баҕалаах дьону ыҥыраллар.
Ил Дархан Кубога – эр дьоҥҥо саахымакка Арассыыйа Кубогын ыстаатыстаах Бүтүн Арассыыйатааҕы күрэхтэһиигэ быйыл бастакы 13 сүүмэрдиир түһүмэҕэ буолар. Маннык үрдүк официальнай күрэхтэһии өрөспүүбүлүкэҕэ аан бастакытын уонна Саха Сиригэр физкултуурунай хамсааһын 100 сылын чэрчитинэн ыытыллар.
Күрэхтэһии СӨ Национальнай художественнай түмэлин саалатыгар тэриллэр. Бириис уопсай пуондата 1 мөл. 100 тыһ. солк. Кыайыылаахтар уонна призердар саха чорооно быһыылаах Кубоктарынан уонна өйдөбүнньүк мэтээллэринэн наҕараадаланыахтара.
Санаттахха, быйыл дойдуга уонна Саха Сиригэр физкултуурунай хамсааһын 100 сыла бэлиэтэнэр. Ол курдук, 1923 с. алтынньы 26 күнүгэр Саха Сиринээҕи киин толоруулаах кэмитиэтин 65 №-дээх бирикээһинэн физическай култуураҕа Сэбиэт тэриллибитэ.
-
0
-
0
-
0
-
0
-
0
-
0
