Ол курдук, классическай оҕунан ытыыга Саха Сирин хамаандата Арассыыйа күрэхтэhиитигэр чѳмпүйүѳннээтэ. Бу күрэхтэhиилэр Калининградка балаҕан ыйын 23 күнүгэр түмүктэммиттэрин туhунан СИА иhитиннэрдэ.
Хамаанда састаабыгар Кристина Дрозд, Айыына Васильева уонна Мария Тараярова бааллар. Кинилэр классическай оҕунан ытыыга 18-гар диэри саастаах спортсменкалар ортолоругар кииристилэр.
Финалга бастакы миэстэни ылар иhин кыргыттар Бурятия бэрэстэбиитэллэрин кытта күѳн кѳрүстүлэр. Түмүккэ утарсааччыларын 3 очукуонан баhыйан, кыайыылаах таҕыстылар.
Оттон 3 миэстэни бу күрэхтэhиигэ Забайкальскай кыраай хамаандата ылла.
Ону таhынан, Кристина Дрозд оҕунан ытыыга биирдиилээн күрэххэ эмиэ кыhыл кѳмүс мэтээли ылла. Финалга кини Бурятия спортсменката Александра Цыденованы кэннигэр хаалларда.
СИА хаартыската туhанылынна.
-
0
-
0
-
0
-
0
-
0
-
0
