Геннадий Васильевич Шахтерскай оройуон баһылыгын Александр Шатову кытары көрүстэ. Дьылабыай сырыы түмүгүнэн олунньу 22 күнүгэр Донецкай Норуодунай Өрөспүүбүлүкэҕэ мас-рестлинг федерациятын тэрийэр туһунан сөбүлэҥ түһэрилиннэ.
«Маны таһынан биһиги мас тардыһыыга маастар-кылаас көрдөрдүбүт, күрэхтэһии ыыттыбыт. Күрэхтэһиигэ 100-чэкэ киһи кытынна, олус биһирээтилэр уонна мас тардыһыытын өрөспүүбүлүкэбитигэр хайаан да сайыннарыахпыт диэтилэр. Оттон Федерация өттүттэн Донецкай Норуодунай Өрөспүүбүлүкэҕэ бу успуорт көрүҥэ сайдарыгар туох баар усулуобуйаны тэрийэри мэктиэлээтибит», - диэн Геннадий Анатольевич кэпсээтэ.
Донецкай Норуодунай Өрөспүүбүлүкэ бастыҥ мадьынылара бу сылтан өрөспүүбүлүкэлэрин чиэһин Арассыыйа чемпионатыгар көмүскүөхтэрэ. Санатан эттэххэ, быйыл мас тардыһыытын чемпионата Санкт-Петербург куоракка ыытыллыаҕа.
-
1
-
0
-
0
-
0
-
0
-
0
