Саха дэгит күрэһин маҥнайгы сүүмэрдиир түһүмэҕэр Таатта боотура Николай Матаннанов эрэллээх кыайыыны ситистэ. Биллиилээх күрэсчит бу аатырбыт оонньууларга онус кыттыыта буолар.
2026 сыллааҕы Үс Хатыҥ түһүлгэтигэр кыттар иккис уонна үһүс путевканы Кэбээйи мадьынылара Яков Дмитриев уонна Артем Дьяконов ыллылар. Уолаттар хас да көрүҥҥэ күөн көрүстүлэр. Ол курдук, ыстанаҕа, тутум эргииргэ, мас тардыһыыга, оҕунан ытыыга, 400 миэтирэҕэ сүүрүүгэ, хапсаҕайга уонна тааһы көтөҕүүгэ.
Оттон кэлэр сыллааҕы Дыгыҥҥа бириис пуондата өссө хаҥаата. Ол курдук, муҥутуур кыайыылаахха спонсортан 3 мөлүйүөн уу харчынан бириис туттарыллыаҕа уонна ону таһынан Дьокуускай куорат дьаһалтатын аатыттан куоракка биир хостоох кыбартыыранан наҕараадалыахтара. Онон, күрэхтэһии өссө тыҥааһыннаах буолара күүтүллэр.
Хаартыска : НВК "Саха"
-
0
-
0
-
0
-
0
-
0
-
0
