Быйыл “Земскэй тириэньэр” бырагырааммаҕа 3 квота көрүллүбүт. “Земскэй учуутал” уонна “Земскэй быраас” бырагырааммалар курдук үлэлиэҕэ. Ирдэбилэ диэн анал идэлээх исписэлиис дуогабар түһэрсибит сиригэр биэс сыл үлэлиэхтээх. Хамнаһын таһынан 2 мөл. солкуобайы ылыаҕа. “Бэрт туһалаах бырагыраамма. Сотору бырагыраамма балаһыанньата тахсыаҕа. Баҕалаах элбэх, сайаапкалар номнуо киирэн эрэллэр. Бастыҥнары сүүмэрдиэхпит”, – диэн миниистир эттэ.
2 мөлүйүөнү Уһук Илин уонна Арассыыйаҕа саҥа холбоспут эрэгийиэннэрин тириэньэрдэригэр биэриэхтэрэ. Атыттарга – 1-дии мөлүйүөнү.
2026 сылга Саха сиригэр 18 квотаны көрөр былааннаахтар. Бырагырааммаҕа кыттааччылар физическэй култуура уонна успуорт тэрилтэтин кытта хантыраак түһэрсэллэр. Исписэлиис үлэлии барар сирэ 50 тыһ. аҕыйах нэһилиэнньэлээх буолуохтаах. Тириэньэр анал идэлээх уонна Арассыыйа олохтооҕо буолара ирдэнэрин санатабыт.
"Спорт Якутии" саайт хаартыската.
-
0
-
0
-
0
-
0
-
0
-
0
