Көҥүл тустуу улахан түһүлгэтигэр Монгуолуйаттан саҕалаан Грузияҕа тиийэ 10 дойдуттан күрэхтэһэ кэлиэхтэрэ – Азербайджантан, Арменияттан, Белоруссияттан, Грузияттан, Казахстаантан, Кыргыстаантан, Монгуолуйаттан уонна Молдавияттан бөҕөстөр кэлэллэрин биллэрдилэр. Арассыыйа хас да эрэгийиэннэриттэн бэрэстэбиитэллэр кытталларын туһунан бигэргэтиилэрэ өссө да чуолкайдана турар. Күрэхтэһиигэ барыллаан 170-ча бөҕөс кыттара сабаҕаланар.
Бу күн Роман Михайлович пааматынньыгар сибэкки ууруута уонна Олимпийскай эрэл училищетыгар Арассыыйа үтүөлээх тириэньрэ Иван Сивцев кэриэһигэр өйдөбүнньүк дуосканы арыйыы ыытыллыаҕа.
Санаттахха, быйыл Саха Сирэ Монреальга буолбут Олимпиадаҕа үс чулуу бөҕөспүт кыайыыларын 50 сылын үөрүүлээхтик бэлиэтиир. Павел Пинигин – кыһыл көмүс, оттон Роман Дмитриев уонна Александр Иванов үрүҥ көмүс мэтээли ылбыттара.
Киирсиилэри "Саха" НКИХ быһа эпииргэ көрдөрүөҕэ, күрэхтэһиигэ киирии босхо.
Хаартыска: ЯСИА
-
2
-
0
-
0
-
0
-
0
-
0
