“Биһиги нэһилиэкпититтэн көҥүл тустууга элбэх маастар тахсыбыта. Ол курдук, биһиги Дмитрий Пахомовынан, Алексей Пахомовынан, Василий Уваровынан, Илья Солдатовынан киэн туттабыт . Урукку сылларга кинилэр бириистэригэр күрэхтэр ыытыллан кэлбиттэрэ. Ол гынан баран, кэнники сылларга бу күрэхтэһии тохтуу сылдьыбыта. Дьэ, быйыл ол сөргүтүллэн, ССРС успуордун маастара, эмистэр биир киэн туттар киһибит Алексей Петрович Пахомов аатыгар анаан бу турнирбытын ыытан эрэбит.
Нэһилиэк бары тэрилтэлэрэ күрэҕи таһымнаахтык ыытарга турунан сүүрэ-көтө, үлэлэһэ сылдьаллар. Турнирга өрөспүүбүлүкэбит араас муннуктарыттан эдэр кэскиллээх тустууктар, уопсайа 200-чэкэ оҕо кэлээри бэлэмнэнэ сылдьаллар. Барыта 10 ыйааһыҥҥа тустуохтара. Алексей Петрович кэргэнэ Варвара Егоровна Пахомова сүрүн бирииһи — “Regul-125” матасыыкылы туруорда. Ону сэргэ хас биирдии ыйааһын кыайыылаахтарыгар уонна призердарыгар бэртээхэй бириистэр туттарыллыахтара. Онон бар дьоммутун кэлэн тустуу бырааһынньыгар кыттыһан, оҕолорго көх-нэм буолан ыалдьаргытыгар ыҥырабыт”,- диэн нэһилиэк баһылыга Прокопий Бубякин сырдатта.
Хаартыскалар: https://xn--80aaaambpp4b1d.xn--p1ai/s%d2%afr%d2%afn-biriis-matasyykyl/
-
1
-
0
-
0
-
0
-
0
-
0
