Бүгүҥҥү күҥҥэ СӨ спортка уонна физическай култуураҕа Дьокуускай куораттааҕы эбийиэктэригэр киирсэр “Туймаада” стадион, “Самородок”, “Чолбон” бассейыннар, “Модун”, Дохсун” спорт саалалара үлэлии тураллар. СӨ спортка министиэристибэ пресс-сулууспата иһитиннэрбитинэн, коронавирус ыарыыта тарҕанарын хааччахтыыр туһугар спордунан дьарыктанар тэрилтэлэр үлэлэригэр биир кэлим быраабыла олохтоммут. Ол курдук, бу быраабыла спордунан хас киһи дьарыктаныахтааҕын чуолкайдыыр. Холобур, фитнесс-саалаларга биир киһиэхэ 4 кв. миэтэрэ, бассейыннарга – 5 кв. миэтэрэ ананар. Таҥастарын устар хоско бэйэ-бэйлэриттэн 1,5 миэтэрэ тэйиччи тутта сылдьаллара ирдэнэр. Маны таһынан терапевтан спордунан дьарыктанарга көҥүл ыспыраапкалаах буолуохтаахтар. Ол эрээри, коронавирус ыарыыта суоҕун туһунан ыспыраапка ирдэммэт эбит. Кэмиттэн-кэмигэр аналлаах оборудованиелар көмөлөрүнэн саалалар салгылатыллыахтаахтар. Ону таһынан дьарыктанар дьон мааскалаах уонна бэрчээккэлээх сылдьыахтаахтар.
Тэрилтэлэр күннээҕи үлэлэрин кэмигэр сылдьыахтаах дьон ахсаана: “Чолбон” – 78 киһи, “Самородок” – 50 киһи, “Модун” – 43 киһи, “Дохсун” – 15 киһи. Билсиһэр төлөпүөннэр: “Чолбон” – 89241740261, “Самородок” – 42-41-44, “Модун” – 34-12-04.
- 0
- 0
- 0
- 0
- 0
- 0