“Спорка туһуламмыт Стратегия олоххо көдьүүстээх буолуо, өскөтүн оҕолор кыраларыттан физкултууранан дьарыктанар буоллахтарына. Бу туһунан биһиги РФ Бэрэсидьиэнин иһинэн Сэбиэт мунньаҕар кэпсэттибит. Бырабыыталыстыбаны кытта бииргэ үлэлэһэн, докумуону ситэрэн-көннөрөн биэриэхпит. Мин саныахпар, “Оҕо спорда” бу бырагыраама саамай улахан салаата буолуохтаах”, -- диир Госдума дьокутаата Ирина Роднина.
Манна даҕатан эттэххэ, тустаах баартыйа туруорсуутунан РФ Бырабыыталыстыбата тыа сиригэр спорду сайыннарыыга 7,4 миллиард солкуобайы бүддьүөккэ көрдө. Ити сууматтан сороҕо спорт саалаларын өрөмүөннүүргэ, футбол манеһын, сабыылаах хаҥкылыыр сирдэри оҥорорго ананыаҕа. Итини таһынан “Биир ньыгыл Арассыыйа” сэбиэтин сэкирэтээрэ Андрей Турчак премьер-миниистир Михаил Мишустинныын көрсүһүүгэ өссө 2 млрд. солкуобайы туруоруста – чэбдигирдэр-физкультурнай аһаҕас комплекстары эрэгийиэннэргэ тутууга.
Владимир Путин бары этиилэри учуоттаан, Стратегияны ахсынньы 25 күнүгэр диэри бэлэмнииргэ Кабмины сорудахтаата.
- 0
- 0
- 0
- 0
- 0
- 0