Докумуон саҥа көрүҥэ "массыына ааҕар көрүҥүнэн ураты бэлиэлэртэн" туруоҕа. ОМС систиэмэтигэр страховкаламмыт сирэйдэри биир реестргэ сыһыарары былаанныыллар. Холобур, докумуону смартфоҥҥа тутуохха сөп буолар.
ОМС полиһа - бу докумуон дойду үрдүнэн босхо мэдиссиинэ көмөтүн ылар быраабы биэрэр. Докумуонунан дьиэҕэ бырааһы ыҥырарга, чинчийиини ааһарга, поликлиникаҕа уонна стационарга эмтэнэргэ көмөлүүр.
Билигин полиһы штрихкод курдук эбэтэр кумааҕыга эмиэ бэчээттэтэн ылыахха сөп. Ол кэннэ бырааска паспоры эбэтэр атын докумуону эрэ көрдөрүөххэ сөп буолар.
Маны таһынан, дойду Бырабыыталыстыбатын уурааҕынан, ОМС эйгэтигэр персональнай учуоттааһыны киллэрии бэрээдэгэ бигэргэннэ. Булгуччулаах мэдэссиинэ страховкалааһынын федеральнай пуондата уонна мэдиссиинэ тэрилтэлэрэ страховкаламмыт сирэйдэр тустарынан көмө оҥоһуллубутун туһунан сибидиэнньэлэри учуоттуурунан дьарыктаныахтара. Үлэни тэрийиигэ ОМС судаарыстыбаннай информационнай систиэмэ көмөлүөҕэ.
-
0
-
0
-
0
-
0
-
0
-
0
