Кини Инстаграм сирэйигэр бу курдук суруйбут: “Аҕа дойдуга бэриниилээх буолуу, бэйэбит дойдубутун көмүскүүргэ бэлэм буолуу, аан дойдуга эйэни олохтуурга дьулуһуу -- хас биирдиибит ытык иэһэ. Бу сыаннастар үйэлэр тухары уларыйбаттар. Историяҕа буолбут түгэннэр, түбэлтэлэр бу сыаннастарга олоҕуран оҥоһуллубуттара.
Арассыыйа Бэрэсидьиэнэ Владимир Владимирович Путин Луганскай уонна Донецкай норуодунай өрөспүүбүлүкэлэри тутулуга суох судаарыстыбаларынан билинэр Ыйаахтары таһаарда.
Бэрэсидьиэн быһаарыыта олох чуолкай: дойдубутун көмүскүүр, тулатыгар эйэни олохтуур -- бастакынан турар сорукпут.
Биһиги дойдубут кыраныыссатыгар арҕаа дойдулар сэриилэрэ чугаһыыллара биир сыаллаах -- Арассыыйа кыаҕын мөлтөтөөрү, сайдыытын адаҕалаары, суоһарҕанан куттаары. Путин Арассыыйаҕа күүс өттүнэн күөнтээһиннэри утары дьаһалларын биһиги мэлдьи өйүөхпүт! Биһиэхэ эйэлээх халлаан анныгар норуоппут уонна дойдубут туһугар үлэлиирбит- олорорбут туохтааҕар да күндү! Дьэ, манна патриот буоларбыт, Ийэ дойдубутун тылынан буолбакка, дьыаланан көмүскүүргэ мэлдьи бэлэммит көстүөхтээх.
Бүгүн мин Дьокуускайдааҕы кадетскай интэринээт-оскуолаҕа "Аармыйа куората" диэн бэстибээл аһыллыытыгар сылдьан, олуһун үөрдүм.
Кадетскай оскуола иһинэн тэриллибит "Авангард" киин өрөспүүбүлүкэбит ыччатын байыаннай-патриотическай иитиигэ улахан кылаатын киллэрэр. Арассыыйа оборонаҕа министиэристибэтэ бу "Авангард" киини байыаннай тиэхиньикэлэринэн хааччыйар. Икки пушка уонна икки зенитнэй установка манна номнуо кэлэн тураллар. Өссө 24 араас тиэхиньикэ -- тааҥкалар, пехота бойобуой массыыналара, артиллерия -- айаннаан иһэллэр.
Бу киин РФ Оборонаҕа миниистирэ Сергей Кужугетович Шойгу салалтатынан ыытыллар бырайыак сорҕото буоларын киэн туттабыт уонна өйүүбүт, итиэннэ ис сүрэхтэн махтанабыт. Манна байыаннай дьыалаҕа үөрэтии, иитиллээччилэри эт-хаан өттүнэн эрчийии уонна байыаннай бэлэмнээһин бары усулуобуйалара баар буолуохтара. Хас сыл ахсын бу киин өрөспүүбүлүкэ 1,5 тыһыынча эдэр ыччатын үөрэ-көтө көрсүөҕэ. Кинилэр аҕа дойдуну көмүскээччи үрдүк аналын толорорго бэлэмнэниини туйгуннук ааһыахтара диэн бигэ эрэллээхпин”.
-
0
-
0
-
0
-
0
-
0
-
0
