Архыып норуоттар икки ардыларынааҕы күннэрэ Норуоттар архыыптарын сэбиэтинэн 2007 сыллаахха сэтинньигэ Канадаҕа буолбут Генеральнай ассамблеяҕа олохтоммут, онтон ыла сылын аайы бэс ыйын 9 күнүгэр бэлиэтэнэр. Бэс ыйын 9 күнүн ылбычча талбатахтар. Бу күн 1948 сыллаахха ЮНЕСКО быһаарыытынан Норуоттар архыыптарын сэбиэтэ тэриллибит. Бу – профессиональнай аан дойду архыыптар уопсастыбалара, уопсастыба аан дойду архыып нэһилиэстибэтин харыстыыр уонна сайыннарар сыаллаах. Уопсаастыба бырабыыталыстыба тэрилтэтинэн буолбат, аан дойду араас муннугар олорор уопсастыба чилиэннэринэн үбүлэнэр. Бүгүҥҥү туругунан Норуоттар архыыптарын сэбиэтигэр 190 дойдуттан 1,5 тыһыынча киһи чилиэнинэн буолар.
Дьиҥнээх доҕоргун буллаххына, сүтэримэ…
Бэс ыйын 9 күнүгэр Доҕордор күннэрэ бэлиэтэнэр. Ханнык баҕарар норуоттарга доҕордоһууну үрдүктүк сыаналыыллар. Ол курдук бэс ыйын 9 күнүгэр кэккэ дойдуларга Доҕордор күннэрин бэлиэтииллэр. Төһө да бу күн официальнай бырааһынньыгынан буолбатын иһин, дьон-сэргэ үөрэ-көтө эҕэрдэлэһэр. Доҕоттор күннэрин бэлиэтээһин идеята бастаан АХШ-га үөскээбит. Ол курдук Америка олохтоохторо аан бастаан 1935 сыллаахха киэҥ далааһыннаахтык Доҕоттор күннэрин бэлиэтээбиттэрин туһунан историяҕа суруллан хаалбыт.
Онон төһө да пандемия бүгүн доҕордуу дьону дьиэлэригэр олорорго күһэйбитин иһин, дьиҥнээх доҕор эҕэрдэлииргэ, истиҥник сэһэргэһэргэ бириэмэ, ньыма булара саарбахтаммат.
-
0
-
0
-
0
-
0
-
0
-
0
