Саха тыллаах бэчээт күнэ от ыйын 1 күнүгэр, “Саха дойдута” диэн саха тыллаах бастакы хаһыат тахсыбыт күнүгэр олохтонно. Бу күҥҥэ СӨ национальнай библиотеката саха публицистикатын сайдыытын устуоруйатын көрдөрөр виртуальнай быыстапка бэлэмнээбит. Ол туһунан Култуура уонна духуобунай сайдыытын министиэристибэтин пресс-сулууспата иһитиннэрэр.
1907 сыллаахха от ыйын 1 күнүгэр “Саха дойдута” (“Якутский край”) уопсастыбаннай-бэлитиичискэй уонна литературнай хаһыат бастакы нүөмэрэ тахсыбыт. Бу хаһыакка саха литературатын улуу суруйааччылара Алексей Кулаковскай-Өксөкүлээх Өлөксөй, Анемподист Софронов-Алампа уонна да атыттар суруйаллара.
Национальнай бэчээт күнэ өрөспүүбүлүкэҕэ саха тылын статуһун үрдэтэр, сайыннарар, саха тылынан суруйар бэчээт үлэһиттэрин престиһин үрдэтэр аналлаах.
-
0
-
0
-
0
-
0
-
0
-
0
