Саха Өрөспүүбүлүкэтин Судаарыстыбаннай Мунньаҕын (Ил Түмэн) аатыттан уонна тус бэйэм Норуоттар сомоҕолоһууларын күнүнэн эҕэрдэлиибин!
Биһиги дойдубут, норуоппут устуоруйата уонна култуурунай үгэһэ ураты суолталаах. Билигин биһиги төрүт үгэстэрбитин, сыаннастарыбытын харыстааммыт, элбэх омук тоҕуоруһан олорор дойдубут модун кыаҕын сайыннарарга дьулуһуохтаахпыт.
Арассыыйабыт устуоруйата, ааспыт кэм-кэрдии көрдөрөрүнэн, биһиги дойдубутугар тапталбыт, эрэлбит баар буолан, хайдахтаах да ыарахаттар, уустуктар бүрүкээтэхтэринэ сомоҕолоһон, өссө күүскэ илиибититтэн ылсыһан иннибит диэки баран, кыайыыны ситиһэр халбаҥнаабат үгэстээхпит. Бу барыта, биһиги күүспүтүн көрдөрөр.
Сахабыт Сирэ Арассыыйа Федерациятын быстыспат сорҕотунан буолар. Үйэлэр улаҕаларыттан саҕалаан бу сиргэ бырааттыы сыһыаны, бииргэ өйөһөн олорууну тутуһар, сыаналыыр норуоттар олороллор. Биһиги бары биир эрэллээх, толкуйдаах буоламмыт дойдубут сайдарыгар уонна албан аата харыстанарыгар дьулуһабыт.
Күндү бар дьоммут! Эһиги дьиэ кэргэҥҥэтигэр кытаанах доруобуйаны, уйгулаах олоҕу, или-эйэни, биир санаалаах буолууну уонна Улуу Арассыыйа туһугар таһаарыылаах үлэни баҕарабын!
Алексей ЕРЕМЕЕВ, Саха Өрөспүүбүлүкэтин Судаарыстыбаннай Мунньаҕын (Ил Түмэн) бэрэссэдээтэлэ
Хаартыска Ил Түмэн саайтан
-
0
-
0
-
0
-
0
-
0
-
0
