Ол “Правда” хаһыат бастакы нүөмэрэ тахсыбыт күнүн кытта ситимнээҕэ. Онтон модун Сэбиэскэй Сойуус үрэллибитин кэнниттэн РФ Үрдүкү Сэбиэтин 1991 сыл ахсынньы 28 күнүнээҕи уурааҕынан тохсунньу 13 күнэ Арассыыйа Бэчээтин күнүнэн анаммыта. Бу күн 1703 сыллаахха Бүөтүр I ыраахтааҕы “Биэдэмэстэр” хаһыаты бэчээттиир туһунан ыйааҕы таһаарбыт үһү.
Маҥнай утаа тыһыынча ахсаанынан тахсар хаһыакка Бүөтүр I бэйэтэ эрэдээктэрдээбит. Кини ыйааҕынан тэҥҥэ эрэстэрээннэр арыллыбыттар, олорго дьон хаһыат ааҕаары мустар эбит. Ааҕааччыларга чэйи уонна айах минньитэри босхо биэрэллэрэ. Ыраахтааҕы саҥа реформаларын дьоҥҥо маннык ньыманан тириэрдэр, тарҕатар кэбэҕэс буолуоҕун кэрэхсээбитэ.
Типография бастаан Москубаҕа эрэ баара. Онтон сотору Санкт-Петербурга арыллыбыта. Питердээҕи эрэдээксийэ саа оҥорор мастарыскыай дириэктэрэ Михаил Аврамов дьиэтигэр олохсуйбута. Кини хаһыакка аҥаардас бэлитиичэскэй дакылааттары уонна кураанах сыыппаралары бэчээттээбэккэ, элбэх ааҕааччыны тардар, сэҥээрдэр туһуттан олох бары эйгэтин хабан сырдатарга этии киллэрбитин император өйөөбүтэ. Онтон ыла хаһыаттар саҥалыы тыыннаммыттара.
Сурутуу эксперимент быһыытынан аан маҥнай 1870 сыллаахха баар буолбута. Онтон сайдан, тэнийэн, 1914 сыллаахха почта отделениеларын нөҥүө сурутуллар 3 тыһыынча таһаарыыга тиийбитэ.
Бүгүн, Бэчээт күнүгэр, үгэс быһыытынан ааспыт сылга ситиһиилэммит суруналыыстары, бэчээт үлэһиттэрин эҕэрдэлиэхтэрэ, наҕараадалыахтара, махтал-хайҕал суруктары, бириэмийэлэри туттарыахтара. “Ил Түмэн” издательскай дьиэ аатыттан идэлээх бырааһынньыкпытынан биир идэлээхтэрбитин истиҥник эҕэрдэлээн туран, инникитин өссө үрдүк ситиһиилээх, айымньылаах үлэни баҕарабыт!
-
0
-
0
-
0
-
0
-
0
-
0
